Peko Peko Eatery (勝利道)

Open Now

Now Closed

勝利道最近多咗好多餐廳，見到呢間日式木系風格既餐廳，裝修顏色柔和舒服，座位都幾闊落，比較Cozy既environment。呢間餐廳有好多健康減肥之選，特別在佢嘅沙律超級豐富，好用心將蔬菜同水果配搭埋一齊。🍓 Love Strawberry $118紅黃綠配搭，色彩繽紛🌈，賣相相當吸引，包括士多啤梨、無花果、藍莓🫐，蕃茄仔，紅菜頭，紅桑子，沙律菜，顏色勁繽紛，睇到食慾大增。配搭酸酸甜甜嘅紅菜頭汁，非常開胃，蔬果新鮮健康，而且份量都算大，三個人share做頭盤，比較合適。🥩肉方面，我哋揀咗羊架，一碟3件 每件都厚身，size都唔細，羊架肉質嫩滑，就羊臊味唔會好勁，兩面都有少少焦香，熟成程度掌握得幾好。朋友仲專登叫咗粗薯條，新鮮滾熱辣，除咗茄汁，仲有黑松露醬，yummy!!!🍹Mixed Berries Yogurt Smoothie見到隔籬枱叫咗，淡淡的粉紅色呼喚緊我，所以都點咗一杯。藍莓mix士多啤梨🍓🫐，入口重乳酪味道，超鍾意，而且口感順滑，莓味濃郁，而且唔甜，凍凍地幾fresh，正。而朋友就叫咗杯抹茶拿鐵，個拉花都幾靚，朋友話個味道唔錯。