Video
Read full review
2018-10-10
4204 views
前幾日約大學同學和老師食飯，諗唔到食啲乜嘢有同學建議話不如去幫襯呢間社企素食餐廳，或之前食過都唔錯，而且佢聘請嘅大部份都係聾啞人士，提供就業機會俾佢哋，值得支持！地點在灣仔，喺修頓球場對面都算就腳方便，上到去見到空間都幾大，但係就唔多人幫襯，當時係食飯時間七點幾，大概得幾張枱，而且仲有不少外國人，睇黎外國人想食素都會慕名上嚟幫襯，應該有佢嘅吸引之處。打開Menu有好多野都好似好正好想食，朋友話有幾個菜上次食過都不錯，最後我地點左咕嚕肉，沙嗲鮮竹煲，紫菜荔芋卷，樂農豆漿鍋，魚香茄子粉皮同埋清炒菜心係咁多。咕嚕肉（$85）我覺得真係扮得好似肉，而且食落又唔會覺得好油膩，加上大量菠蘿青紅椒一齊炒，感覺清新。沙嗲鮮竹煲（$78）係我嗌嘅，因為我真係好鍾意食啲豆類製品，好似豆腐鮮腐竹等，加上我又重口味，呢個煲啱晒我。佢先將鮮腐竹切件，夠嫩滑又有咬口，索晒啲沙嗲汁，原理似粉絲索晒啲汁一樣超惹味！👍😝紫菜荔芋卷($70)，用腐皮紫菜包住芋泥卷，再切成一件件再拎去炸，因為油炸嘅關係食一件已經有飽足感，都幾香口同埋熱氣㗎。樂農豆漿鍋($92)走清新路線，即係用豆漿打邊爐，落啲水餃同埋冬菇同菜等等，都幾特
地點在灣仔，喺修頓球場對面都算就腳方便，上到去見到空間都幾大，但係就唔多人幫襯，當時係食飯時間七點幾，大概得幾張枱，而且仲有不少外國人，睇黎外國人想食素都會慕名上嚟幫襯，應該有佢嘅吸引之處。
打開Menu有好多野都好似好正好想食，朋友話有幾個菜上次食過都不錯，最後我地點左咕嚕肉，沙嗲鮮竹煲，紫菜荔芋卷，樂農豆漿鍋，魚香茄子粉皮同埋清炒菜心係咁多。
咕嚕肉
$85
73 views
0 likes
0 comments
咕嚕肉（$85）我覺得真係扮得好似肉，而且食落又唔會覺得好油膩，加上大量菠蘿青紅椒一齊炒，感覺清新。
沙爹鮮竹煲
$78
82 views
0 likes
0 comments
沙嗲鮮竹煲（$78）係我嗌嘅，因為我真係好鍾意食啲豆類製品，好似豆腐鮮腐竹等，加上我又重口味，呢個煲啱晒我。佢先將鮮腐竹切件，夠嫩滑又有咬口，索晒啲沙嗲汁，原理似粉絲索晒啲汁一樣超惹味！👍😝
紫菜荔芋卷
$70
59 views
0 likes
0 comments
紫菜荔芋卷($70)，用腐皮紫菜包住芋泥卷，再切成一件件再拎去炸，因為油炸嘅關係食一件已經有飽足感，都幾香口同埋熱氣㗎。
樂農豆漿鍋
$92
68 views
0 likes
0 comments
樂農豆漿鍋($92)走清新路線，即係用豆漿打邊爐，落啲水餃同埋冬菇同菜等等，都幾特別。
魚香茄子粉皮
$68
64 views
0 likes
0 comments
魚香茄子粉皮($68)就有點失落，唔係我哋期望嘅魚香茄子煲的味道，而且整體偏油，不算岀色。
最後我哋叫左個同埋清炒菜心($55)同埋幾碗糙米飯，簡簡單單一餐素雖然都唔錯食，值得一讚係呢間社企佢哋大部分嘅侍應係聾啞人士，而且服務到位，不會怠慢，值得再支持。其實我自己將來都有個小小夢想可以為自閉或輕度智障人士開間社企餐廳，所以在此特別親切👍
不過我發覺香港普遍嘅素食真係用好多油去煮，其實並唔係好健康，同埋唔係好食到嗰樣嘢原味，令我更加懷念台灣嘅天然又美味的素食。😞
——————————————
店名:樂農
環境🏝：8/10
服務💁🏼♀️：8/10
價錢💰：7/10
食物質素🍝： 8/10
整體🙆🏻♂️：7.5/10
地址:
灣仔軒尼詩道99號彰顯大廈1樓
#吃貨玩樂在灣仔
#吃貨玩樂
#樂農
Post
