佳餚莊

Open Now

Now Closed

馬鞍山游泳池旁邊有間餐廳，在2020年10月左右開張，今次終於有機會黎食。呢度裝修普普通通，如果坐窗口位可以望住馬鞍山游泳池嬉水池，由於疫情關係嬉水池沒有開放比小朋友玩。希望疫情快d消失，回復正常生活。呢度設有卡座丶圓枱，已持有酒牌，只收現金，沒有支付寶丶八達通。當晚叫左六道菜，蜜椒牛柳粒 $118 ，好香好好味，薯仔夠淋，份量多，抵食。欖菜肉碎四季豆$78 ，大大碟。千葉豆腐$88 ，賣相好靚，睇得出廚師的刀功好犀利，係一碟心機菜，又好味。清炒萵筍絲$78，爽脆。肉絲炒麵丶福建炒飯$88，全部都好好味丶好出色。全部野食都大大碟，份量十足。簡直係一間隱世高質餐廳，店員服務態度好好丶非常有禮貌。