Isaac Toast (朗豪坊) (Closed)

好耐之前去韓國已經想試，但係當時去嗰個地方間早餐店已經執笠😞，最近嘅分店都要去到沙田又比較少去，原來喺朗豪坊就開咗一間，晏晝食飯就去咗試吓，選擇真係花多眼亂，完全唔知揀咩好，雖然價錢唔算話好抵，但係以小編嘅胃口黎講啱啱好，有成16款選擇，吐司好香口，應該係利用咗蛋漿同牛油再攞去焗，唔單止聞落去香食落口都好香😍今次揀咗芝士同埋薯餅做餡料，口感好豐富，而且塊芝士🧀喺裏面慢慢溶化，又香又酥口。除咗王牌吐司，仲有多款特色飲品，健康有營果汁供應，簡直係一個美滿嘅午餐（雖然正常係當早餐🤪）但係之後嘅lunch又多一個選擇啦