Video
Read full review
2024-07-21
1371 views
唔理會任何宗教、政治傾向，純粹想見識下咩叫以色列中東菜。係香港呢類菜比印巴類更少，同一啲本地黎巴嫩菜餐廳比較之下，呢間某啲伴菜、主要飲品都比較港式，可能因為咁，係混合情況底下得出一個相宜價錢。呢度啲主菜好似全部都可以做餐，跟飲品＆餐湯（菜或豆湯）兩者都幾唔錯。唔係出面西餐廳啲紅白湯。米飯有得揀中式或中東，嚟得呢度緊係中東米啦！唔知算唔算Basmati呢，係咪已經係黃姜飯嚟㗎呢？ 【 水波蛋阿拉伯肉醬中東米飯 】除咗係中東飯之外，呢款唔覺得有乜同本地菜色唔同，呢碟普通咗啲。【 菲塔奶酪菠菜沙克舒卡雞肉中東米飯 】 呢款係好奇怪咁賣相麻麻但出奇地好味，絕對有佢嗰種奶酪嘅特色，有肉有菜，又有中東米，一日所需應該足夠啦啩？【 橄欖油紅酒醋古斯米沙律 】可以當係輕食嘅主菜份量，橄欖油出色過啲菜【 中東烤卷 - 雞肉 】好食，肉、菜、醬料夾算係土耳其Kebab風格？【 鷹嘴豆泥（原味） + 比得包 】呢碟菜可能好冷門冇乜本地人吼，但我覺得呢款先係呢間餐廳最代表之選。唔覺本地人對Chana有興趣，比得包更加罕有，以豆泥方式出場，唔試過就真係毫無意義食以色列菜。旋渦視覺中央加入橄欖油為其精髓，令豆泥更
呢度啲主菜好似全部都可以做餐，跟飲品＆餐湯（菜或豆湯）兩者都幾唔錯。唔係出面西餐廳啲紅白湯。
米飯有得揀中式或中東，嚟得呢度緊係中東米啦！唔知算唔算Basmati呢，係咪已經係黃姜飯嚟㗎呢？
【 水波蛋阿拉伯肉醬中東米飯 】
【 水波蛋阿拉伯肉醬中東米飯 】
21 views
0 likes
0 comments
【 菲塔奶酪菠菜沙克舒卡雞肉中東米飯 】
【 菲塔奶酪菠菜沙克舒卡雞肉中東米飯 】
41 views
0 likes
0 comments
【 橄欖油紅酒醋古斯米沙律 】
【 橄欖油紅酒醋古斯米沙律 】
100 views
0 likes
0 comments
【 中東烤卷 - 雞肉 】
【 中東烤雞卷 】
38 views
0 likes
0 comments
算係土耳其Kebab風格？
【 鷹嘴豆泥（原味） + 比得包 】
【 傳統鷹嘴豆泥比得包 】
109 views
0 likes
0 comments
唔覺本地人對Chana有興趣，比得包更加罕有，以豆泥方式出場，唔試過就真係毫無意義食以色列菜。
旋渦視覺中央加入橄欖油為其精髓，令豆泥更升層次。
---
沙律菜用嘅黑醋＆橄欖油都非常出色，食得出係用好材料，至於沙律菜本身就中規中矩。
呢度亦有啲未聽見過嘅以色列菜餚令人好奇想試，又有啲Cafe Style嘅款式。
似乎係想融合香港人口味多元化？
免加一
Other Info. :
有次用餐，聽見餐廳某員工因一啲發生咗嘅公事向啲同事抱怨，係咁喺度講粗口，同事都係點下頭細細聲應下，但該員工就繼續大大聲講。
甚至將情緒發洩喺工作上，遞上飲品時粗粗魯魯，幾驚會倒瀉，支飲管仲飛埋嚟我度，呢下我好唔滿意。然後又繼續大聲講夾雜粗口，我肯定成間餐廳都聽到只係啲客費事話佢，我都忍咗好耐，佢再咁繼續講粗口我就出聲㗎喇，大佬呢度唔係茶記大排檔，我嚟食飯唔係嚟聽你講粗口，尤其呢度更係間宗教主題嘅餐廳，可唔可以檢點啲？聽佢啲話題圍繞嗰十蚊八蚊就不停講粗口，內容係點都好，EQ咁低點serve客？
既然OR有呢格俾我寫題外話不吐不快，咁我就如實報導當日嘅不快。希望餐廳＆該員工自己加以改善，唔好再影响食客。
(The above review is the personal opinion of a user which does not represent OpenRice's point of view.)
Post
