Video
Read full review
2019-12-23
165 views
K11 Musea自開業以來，吸引不少人前往打卡。喺咁靚嘅商場入面，餐廳嘅裝修都唔執輸。好似呢間《海陽。居酒屋 KAIYŌ》咁，打造高級日式居酒屋風格，走高檔路線，用嘅材料都十分上乘。食物種類多，刺身、壽司、伴酒、串燒少不免，另外仲有shabu shabu、烏冬等等。雖然話用料質素高，但價格偏貴，性價比唔算高。以地段嚟講，算係可接受。餐廳店面好大，頭一part係酒吧設計，亦有坐位；中間部份有堂食位置，可以坐吧檯，望住師傅用心製作；後部更有VIP room，方便一群朋友嚟聚餐。不過可能係因為容納咗太多客人，令到廚房同樓面都不敷應付。聽到好多客人追單，而我哋都係其中一檯要追單嘅客人。另外，服務方面實在有待改善。叫侍應幫手加茶，佢叫我等等，等完唔見咗影；問佢某樣材料係咩，佢話問問廚房，然後又冇咗影。另一位侍應問我哋啲嘢食到齊未，我哋話仲有邊幾樣，佢就幫我哋跟。然後又有第二位侍應過嚟問同樣嘅問題，證明大家嘅溝通不足。不完美，可接受，要改善🤗🤗刺身、壽司就好多人講咗啦，我就focus喺熟食方面。（個人覺得刺身嘅價格又唔算貴，好似三文魚刺身咁，$58一碟三片，新鮮肥美油脂四溢，幾抵食👅）日本豚肉涮
喺咁靚嘅商場入面，餐廳嘅裝修都唔執輸。
好似呢間《海陽。居酒屋 KAIYŌ》咁，打造高級日式居酒屋風格，走高檔路線，用嘅材料都十分上乘。食物種類多，刺身、壽司、伴酒、串燒少不免，另外仲有shabu shabu、烏冬等等。
雖然話用料質素高，但價格偏貴，性價比唔算高。以地段嚟講，算係可接受。
餐廳店面好大，頭一part係酒吧設計，亦有坐位；中間部份有堂食位置，可以坐吧檯，望住師傅用心製作；後部更有VIP room，方便一群朋友嚟聚餐。不過可能係因為容納咗太多客人，令到廚房同樓面都不敷應付。聽到好多客人追單，而我哋都係其中一檯要追單嘅客人。
另外，服務方面實在有待改善。叫侍應幫手加茶，佢叫我等等，等完唔見咗影；問佢某樣材料係咩，佢話問問廚房，然後又冇咗影。
另一位侍應問我哋啲嘢食到齊未，我哋話仲有邊幾樣，佢就幫我哋跟。然後又有第二位侍應過嚟問同樣嘅問題，證明大家嘅溝通不足。
不完美，可接受，要改善🤗🤗
刺身、壽司就好多人講咗啦，我就focus喺熟食方面。
三文魚刺身
$58
10 views
0 likes
0 comments
日本豚肉涮涮鍋 ($328)首先講下呢餐售價最貴嘅日本豚肉涮涮鍋，昆布湯底配上日本豚肉同野菜。
天氣凍咗，都需要食下涮涮鍋暖下胃🤤
昆布湯底幾清甜；蔬菜好多種類，全部都好新鮮好食；豚肉有四片，肥瘦均勻，入口軟腍。
整體嚟講唔錯，但係定價好似有啲高啵😯
吉列豬扒稻庭烏冬 ($228)同樣都係相當清甜嘅昆布湯底。
稻庭烏冬口感彈牙細滑😋
吉列豬扒就偏韌同硬，同埋幾多肥膏下😰
季節田園野菜天婦羅
$88
12 views
0 likes
0 comments
原來連侍應都唔會知道呢個「季節田園野菜天婦羅」會有啲咩，因為每一碟都唔同，好「廚師發辦」feel啊😄
我呢碟就有南瓜、蕃薯、青椒、珍珠筍、菇類等等。
入口香脆卻不油膩👍。可以點天婦羅汁，另亦奉上岩鹽、咖喱鹽及綠茶粉。
味淋雞泡魚干
$78
8 views
0 likes
0 comments
送酒良物，可惜我哋無叫嘢飲，不過就咁食都夠晒正，香口，油脂清香，當做前菜小食都幾開胃架🤪
兩支串燒都相當出色，燒得十分入味。
月見雞肉棒 ($58)月見雞肉棒口感綿密，仲可以食到脆口嘅雞軟骨，好似仲加入咗洋蔥粒，增加口感！
蘸上溫泉蛋，有正面襯托嘅作用，更覺滋味十足🤤。
燒黑豚肉白蔥串
$48
16 views
0 likes
0 comments
豚肉肥瘦得宜，入口軟腍，好易咬。
配上白蔥，口感一流！😛
KAIYO食物質素有保證，賣相夠精緻，服務扣少少分都無傷大雅，不妨一試。👍
-
Menu:
Post
