Video
Read full review
2018-08-19
71 views
餐廳名叫Soul 9+，諗左好耐都未參透到個名既由來...因為一個約左好耐終於約到既聚會，少有星期四晚食飯會過海！今晚友人A帶路去左北角！如果大家都係少踏足北角既朋友而又諗緊北角有咩好去處，真係要去探索下呢條小巷 — 錦屏街！ 北角站B4出口，一出望兩點鐘位置，就係佢！好驚喜，小巷係向上延伸的，所有餐廳都係開喺街(向上行)既右邊，全部餐廳都係小店，目測有日本餐廳，西餐廳，咖啡店等等等等...特別之處既密度低，好寧靜，幾乎每間餐廳都有戶外area，識揀一家揀秋天去坐戶外！今晚既目的地小妹食完覺得係屬fusion 菜既小餐廳，兩個人開左一支紅酒，一個沙律，一個前菜，所以呢次個食評並無涵蓋主菜部分。和風八爪魚沙律(因全名太長，唔盡記得)：沙律菜、配料同八爪魚半刺身好新鮮，和風汁甜甜地夏天食好開胃，無耐和風汁唔夠厚身，撈埋沙律菜同八爪魚之後既味道唔算好夾。整體泥講，材料新鮮搭夠。前菜係煙鴨胸配墨西哥薄餅。呢道fusion菜靈感應泥自片皮鴨，用煙鴨胸代替鴨皮，墨西哥薄餅取代中國式薄餅皮，拌菜繼續選用番大蔥絲同青瓜，醬汁則揀番同鴨胸好friend 既果醬同自家制麻醬（小妹嗜甜，所以較愛前者)。呢道
因為一個約左好耐終於約到既聚會，少有星期四晚食飯會過海！今晚友人A帶路去左北角！
如果大家都係少踏足北角既朋友而又諗緊北角有咩好去處，真係要去探索下呢條小巷 — 錦屏街！ 北角站B4出口，一出望兩點鐘位置，就係佢！
好驚喜，小巷係向上延伸的，所有餐廳都係開喺街(向上行)既右邊，全部餐廳都係小店，目測有日本餐廳，西餐廳，咖啡店等等等等...特別之處既密度低，好寧靜，幾乎每間餐廳都有戶外area，識揀一家揀秋天去坐戶外！
今晚既目的地小妹食完覺得係屬fusion 菜既小餐廳，兩個人開左一支紅酒，一個沙律，一個前菜，所以呢次個食評並無涵蓋主菜部分。
和風八爪魚沙律(因全名太長，唔盡記得)：
沙律菜、配料同八爪魚半刺身好新鮮，和風汁甜甜地夏天食好開胃，無耐和風汁唔夠厚身，撈埋沙律菜同八爪魚之後既味道唔算好夾。
整體泥講，材料新鮮搭夠。
前菜係煙鴨胸配墨西哥薄餅。
呢道fusion菜靈感應泥自片皮鴨，用煙鴨胸代替鴨皮，墨西哥薄餅取代中國式薄餅皮，拌菜繼續選用番大蔥絲同青瓜，醬汁則揀番同鴨胸好friend 既果醬同自家制麻醬（小妹嗜甜，所以較愛前者)。
呢道fusion 菜式無傳統片皮鴨咁油膩，鴨胸配果醬味道清新，大蔥青瓜同果醬則唔算太夾。
女士三五知己如果唔想叫扒類怕太heavy 但又中意食肉，可以試下呢味！
後記：出街食飯有時好怕餐廳趕住要你交枱，當晚小妹同友人七點鬆d到餐廳，坐到十點幾 waitress 先慢慢走過泥話要埋單先，但可繼續傾。
Post
