Video
Read full review
2018-10-14
8136 views
媽媽今晚要食素，而家嘅素食餐廳越開越多，但走肉朋友今期嘅主題「京•川•滬篇」就好吸引我，所以我就揀咗呢間同媽媽去食我覺得食嘢唔單要飽足，仲要令人滿足！素食唔代表淡而無味，真心超推薦呢間，食物水準相當出色，款式特別而且選擇多！完全超出預期😍多到我都就黎食唔曬😂有冬瓜做嘅東坡肉、素獅子頭、上海炒年糕、素貴妃雞⋯素回鍋肉竟然真係做到豬皮嘅口感！吾講都唔知以為自己真係食緊燒腩肉，不過明顯係低油低脂健康版😏媽媽問我係咪真係素食??😂做到咁真嘅?大讚做得出色xd油炸鬼做嘅糖醋排骨，賣相同味道都神似，不過我就覺得偏甜左少少。担担pizza🍕其實食完我先知道原來佢喺仿擔擔麵😝我淨係見到好多芝士就夾左，第一啖真心有驚喜！係花生醬嘅味道!!!仲有粒粒花生同芝士，馬上沖去夾多塊！批底又薄又香脆，完全超水準!!香酥鴨係用一層芋頭泥加一層豆腐乾整成，外皮酥脆，芋泥軟滑咸香，豆乾有口感，成個配搭好掂！菠菜脆脆卷出乎意料好食！本身純粹係想試吓，但估唔到係食完又會再encore嘅一件！外皮軟綿帶咸香，同入面嘅生椰菜形成對比，仲有啲沙律醬增加味蕾衝擊，味道清爽唔膩，我個人覺得甚至比坊間墨西哥卷更好食！煎釀三寶入面嘅煎茄
有冬瓜做嘅東坡肉、素獅子頭、上海炒年糕、素貴妃雞⋯
素回鍋肉竟然真係做到豬皮嘅口感！吾講都唔知以為自己真係食緊燒腩肉，不過明顯係低油低脂健康版😏媽媽問我係咪真係素食??😂做到咁真嘅?大讚做得出色xd
油炸鬼做嘅糖醋排骨，賣相同味道都神似，不過我就覺得偏甜左少少。
担担pizza🍕其實食完我先知道原來佢喺仿擔擔麵😝我淨係見到好多芝士就夾左，第一啖真心有驚喜！係花生醬嘅味道!!!仲有粒粒花生同芝士，馬上沖去夾多塊！批底又薄又香脆，完全超水準!!
香酥鴨係用一層芋頭泥加一層豆腐乾整成，外皮酥脆，芋泥軟滑咸香，豆乾有口感，成個配搭好掂！
菠菜脆脆卷出乎意料好食！本身純粹係想試吓，但估唔到係食完又會再encore嘅一件！外皮軟綿帶咸香，同入面嘅生椰菜形成對比，仲有啲沙律醬增加味蕾衝擊，味道清爽唔膩，我個人覺得甚至比坊間墨西哥卷更好食！
煎釀三寶入面嘅煎茄子又係十級正，又香口又軟腍，中間仲要夾住一層仿魚肉嘅素餅，食得出有粉葛、豆腐，好特別，一出爐就會去夾誇張到我媽媽叫我唔好夾咁多，怕我食到驚
芝士葡汁焗蔬菜呢款絕對會令芝士迷失控！本身葡汁焗蔬菜已經好香，仲要加上無敵多嘅拉絲芝士，雙重滋味，食完又再食！
皮蛋肉鬆豆腐上面嘅肉鬆真係好真好好食！
紫米饅頭入面有煙韌嘅紫米、糙米，超有咬口！但就覺得饅頭乾身左啲><
估唔到食素都有咁多甜品食😍甜品控一定唔會失望✌🏻
紫薯蓉天然無添加，味道香甜，混入薑絲、蘋果粒，令到口感更加特別！仲有迷你脆筒可以俾你放紫薯蓉變食雪糕🍦個cone都係極香脆👍🏻木桶豆腐花豆味香，口感滑，唔落糖已經好好食💕！
焗椰蓉蛋糕味道偏甜左少少，但口感都係相當唔錯，食到啖啖椰絲！
南瓜西米露入面係大粒嘅西米，口感淋淋的增加下口感，重點係南瓜味好香好突出，飲咗兩碗表示好滿足😝
其實唔止咁少野，仲有大大個沙律吧，只不過太多嘢食，我都唔得閒食佢😂今晚真係食得好滿足，食物水準高，賣相好，味道更好！餐廳refill速度又快，食素都可以咁有驚喜，令人意猶未盡😋而且一百幾蚊位，價錢超抵食，絕對可以再encore！
餐廳無加一服務費，大家記住食完自己收碗碟
Post
