Video
Read full review
2020-06-23
3688 views
球場又未開番，暫時都喺靠行山當做運動，今次又喺快閃行動，因為，天氣時好時快，跟天文台嘅預測有好大落差，所以，就費時約定，見當朝天氣好，就即約啲老死晏晝行一轉。呢一次由洪哥帶路，從大圍出發，經城門下水塘、城門郊野公園、金山郊野公園，再落番葵涌，非常有挑戰性。慣例，搵間茶記抖抖，兼食番個茶餐，「巴打冰室」喺隨意撞上，總之就隨遇而安啦。餐廳都幾大吓，地方光猛整潔，感覺幾唔錯。入門口量體溫，備有消毒搓手液，卡位加高咗啲間板，阻隔嘅效果就明顯啲，但喺枱面上啲間板就「雞」啲，根本起唔到真正阻隔作用，只可以講喺好過無而已。餐牌就好似啲舊式茶記咁，攝晒入枱面玻璃下，影出嚟有啲反光，幸而晌收銀位備有外賣單張，掃描出嚟俾大家參考佢哋有啲咩食。而下午茶餐都選擇唔少，炒粉飯麵、三文治、包類、沙律……等等都有供應到。之前晌「銀龍粉麵茶餐廳」及「黃金冰室」都試過菠蘿油餐，今次都喺揀食菠蘿油，以作比較吓。菠蘿油餐 $26計定價，「巴打」就屬中間價（「銀龍」賣$31，「黃金」賣$24），呎吋大細亦喺介乎兩者之間，平切，鮮牛油無專登攝出嚟，賣相平實。但打開一睇，可以講「內有乾坤」，就喺包心明顯烘過，所以，摸上手個包喺暖
餐廳都幾大吓，地方光猛整潔，感覺幾唔錯。入門口量體溫，備有消毒搓手液，卡位加高咗啲間板，阻隔嘅效果就明顯啲，但喺枱面上啲間板就「雞」啲，根本起唔到真正阻隔作用，只可以講喺好過無而已。
餐牌就好似啲舊式茶記咁，攝晒入枱面玻璃下，影出嚟有啲反光，幸而晌收銀位備有外賣單張，掃描出嚟俾大家參考佢哋有啲咩食。
而下午茶餐都選擇唔少，炒粉飯麵、三文治、包類、沙律……等等都有供應到。之前晌「銀龍粉麵茶餐廳」及「黃金冰室」都試過菠蘿油餐，今次都喺揀食菠蘿油，以作比較吓。
菠蘿油餐 $26計定價，「巴打」就屬中間價（「銀龍」賣$31，「黃金」賣$24），呎吋大細亦喺介乎兩者之間，平切，鮮牛油無專登攝出嚟，賣相平實。
但打開一睇，可以講「內有乾坤」，就喺包心明顯烘過，所以，摸上手個包喺暖烘烘。一口咬落，「菠蘿皮」好鬆脆，包身軟熟，咬到心位帶脆口，又夾雜着牛油香，口感非常之好。
熱奶茶熱奶茶用番全統茶記厚身茶杯，保溫力強，茶味芳香馥郁，富奶香而無過重，口感順滑，跟同區嘅「太子小廚餐廳」有得比呀！
雖然今日條路有啲難行，因為，唔喺正式行山徑，有不少喺山間捷徑小路，不過，對行開山嘅人嚟講，都可以喺輕描淡寫咁完成。期待下次再由洪哥帶路，挑戰更多難行山徑。不過，講到食，尤其嘆下午茶，就更喺懷着輕描淡寫嘅心情，唔使催，唔使趕。
Post
