媽咪雞蛋仔 (Moved) New Location

「聽媽媽的話，別讓她受傷。」自小就明白做人父母甚艱難，所以長大後就希望可以係佢地在生之時回饋一下。我知道有一間經典既雞蛋仔店鋪由一間籍籍無名既小店，做到而家業務擴展到超過十幾間分店既「媽咪雞蛋仔」。佢地係將首間將餡料放入雞蛋仔裡面，突破傳統界限，製作用心又夠創意，唔怪得之就算無食過呢個品牌，都一定會聽過個大名！👇📌秋冬期間限定 -▪ 紫薯蕃薯雞蛋仔 - $32▫ 新鮮滾熱辣即叫即整，尤其是呢幾日天氣特別凍，暖笠笠真係岩哂。呢個秋冬限定既紫薯蕃薯風味，食落唔會有果種死甜。而蕃薯份量落足料，將紫薯蓉混合蛋漿，完佺唔會有飽飽滯滯既感覺，真係必食推介。📌經典雞蛋仔 -▪ 粒粒朱古力 - $25▫ 又點可能唔試埋佢地經典既粒粒朱古力口味呢？每一粒雞蛋仔都做到充滿綿密既口感，中心漲卜卜之餘，入口脆身彈牙。配搭濃濃既朱古力係裡面，真係抵你連續三年拎到「米芝蓮街頭小食」推薦，實至名歸！▪ 凍鮮榨檸檬茶 - $20▪ 凍鮮榨檸檬水 - $20▫ 一杯經典既凍檸茶同凍檸水，檸味充足，飲落啖啖甘香清爽。食完雞蛋仔拎黎減下膩，的確唔錯。