泰色食 (Closed)

好多朋友見我食咁多好野，成日讚我「你真識食」，心諗咁你姐係串我姐，其實要識食，唔一定要食「好野」，「好野」唔一定要「貴野」，所謂「好野」就係超值，超過本身你所預期中既好味，就好似呢間「泰色食」就係一個例子。👇📌精 選 套 餐 - ▪ 泰 國 船 河 - $66▫ 我之所以鍾意船河，就係貪佢材料夠多，一次過食到好多唔同食材，佢地呱呢碗「泰國船河」可以比你揀唔同麵條，有金邊粉、河粉同埋上海麵。一次過食勻豬頸肉、豬膶、五花腩、豬肉丸、蝦、雞翼、肥牛、通菜。佢個湯汁夠濃稠，每條上海麵掛汁能力極高，加上豬頸肉口感煙靭，整體非常惹味。📌主 食 - ▪ 焗 蒜 蓉 包 - $32 ▫ 一條麻甩佬，一碗麵唔夠飽既，嗌多個小食「焗蒜蓉包」過下口癮啦，外層經過烤焗，食落外脆內軟，陣陣蒜蓉焦香，非常邪惡；加埋杯「泰式奶茶」成件事更加豐富。