Video
Read full review
2021-09-11
647 views
一直以黎見到大家大讚呢間以堅果為主既飲品店🧋好正已經好有興趣想試架啦，呢日同屋企人係石門食完野🍴係場內行過見到呢度居然有分店😳 原來係最近先至新開，睇黎以後大家係石門吃喝又有多一個選擇啦😉.係未飲過呢間飲品店出品既堅果飲品之前個人認為佢地既價錢略為有d貴🤨，不過當睇過店內既單張介紹先知原來店內所有飲品都係不含奶粉或者牛奶🥛，只有使用杏仁、核桃、夏威夷果仁、榛果同腰果五種堅果🌰，完全係真材實料同埋天然，所以呢度既定價俾其他飲品店高都係合理既🤔.呢度既飲品除左係純素，好適合素食既朋友之外，堅果更係含有高植物性蛋白質同好脂肪，運動🏋🏻♀️後嘆返杯，既可獎勵自己亦可補充營養，可以話係一舉兩得😆******************************✨伯爵朱古力堅果奶蓋茶🍫 ($47)呢杯奶蓋茶係呢度既皇牌飲品，平時飲開無糖飲品既我由於係第一次飲就聽取左店員既建議揀左半糖🙆🏻♀️無諗過原來堅果🌰打出黎既奶蓋質感居然可以厚身到好似慕絲咁，加上朱古力🍫既味道香濃，成個感覺就好似係食緊一份朱古力甜品咁，幸福又滿足🥰（會唔會只得我先有咁既感覺？😂）不過都要提返大家⚠️朱古力奶蓋上面係灑左好多朱古力粉，
一直以黎見到大家大讚呢間以堅果為主既飲品店🧋好正已經好有興趣想試架啦，呢日同屋企人係石門食完野🍴係場內行過見到呢度居然有分店😳 原來係最近先至新開，睇黎以後大家係石門吃喝又有多一個選擇啦😉
.
係未飲過呢間飲品店出品既堅果飲品之前個人認為佢地既價錢略為有d貴🤨，不過當睇過店內既單張介紹先知原來店內所有飲品都係不含奶粉或者牛奶🥛，只有使用杏仁、核桃、夏威夷果仁、榛果同腰果五種堅果🌰，完全係真材實料同埋天然，所以呢度既定價俾其他飲品店高都係合理既🤔
.
呢度既飲品除左係純素，好適合素食既朋友之外，堅果更係含有高植物性蛋白質同好脂肪，運動🏋🏻♀️後嘆返杯，既可獎勵自己亦可補充營養，可以話係一舉兩得😆
******************************
✨伯爵朱古力堅果奶蓋茶🍫 ($47)
呢杯奶蓋茶係呢度既皇牌飲品，平時飲開無糖飲品既我由於係第一次飲就聽取左店員既建議揀左半糖🙆🏻♀️
無諗過原來堅果🌰打出黎既奶蓋質感居然可以厚身到好似慕絲咁，加上朱古力🍫既味道香濃，成個感覺就好似係食緊一份朱古力甜品咁，幸福又滿足🥰（會唔會只得我先有咁既感覺？😂）
不過都要提返大家⚠️朱古力奶蓋上面係灑左好多朱古力粉，食既時候要小心❗️小心❗️小心唔好俾d朱古力粉搞到咳🙈
不過由於個朱古力堅果奶蓋味道實在太吸引，筆下筆下食晒d奶蓋最後得返杯伯爵茶🫖，即刻有種由天堂跌落地獄既感覺😂 建議大家可以留返少少🤏🏻奶蓋同茶底攪拌，咁樣失落感會無咁強烈🤣
個人認為如果將呢杯奶蓋茶看待成一客甜品，47蚊算係物有所值既🤔特別係鍾意朱古力既朋友，有機會既一定要試下😋
-
✨蘋果脆脆楓糖堅果奶蓋茶🍎 ($38)
係未試過堅果奶蓋之前會好奇到底會唔會係好似杏仁奶咁帶有少少溢味，又還是係杏仁糊咁重味？估唔到原來實際既味道係少少鹹鹹地得黎但係就帶有濃郁堅果香，非常獨特😳
奶蓋上面既蘋果脆脆🍎有如米餅一樣酥脆，係呢杯飲品第二個驚喜位😳 面頭仲有淋左少量楓糖🍯，不過因為被堅果奶蓋既味道蓋過，反而就唔太感受到🤣
不得不提既係呢度既果汁係黎自新鮮水果，所以會飲d微小既蘋果顆粒🍎；而店員就建議我地呢杯可以揀選微糖，既保留到蘋果原有既酸度，甜甜酸酸既味道亦可以中和返奶蓋所帶黎既飽和感，果然係無介紹錯😋
-
個人認為朱古力味奶蓋同原味奶蓋各有千秋實在難以評論到底邊款比較好，建議最好既辦法就係同屋企人/心愛既另一半一齊試晒兩款，唔鍾意既話起碼都有人可以幫手解決😂🙈
******************************👧🏻人均消費：$45
😋味道指數：4.5/5
💰抵食指數：3.3/5
🪑環境指數：3.5/5
💁🏻♀️服務指數：4.2/5
👍🏻再訪指數：4.5/5
-
📍NUTTEA
地址：沙田石門安群街3號京瑞廣場2期1樓OK Mall 141B3號舖
⏰營業時間：11:30–20:30 (Mon–Sun)
(📍鰂魚涌、銅鑼灣、中環、旺角、葵芳、新蒲崗、觀塘、九龍灣及大埔亦有分店，營業時間有所不同)
Post
