Video
Read full review
2009-01-05
33 views
特登揀閒日,又避開埋lunch time去太子試既「大記」既攦粉同糕點~因為知道果到地方淺窄~我爸媽三人叫左一個客家茶果湯($12),雞酒攦粉($18)同炸鯪魚球攦粉($18)我三樣都試左D~客家茶果湯: 一食就覺得隻味好熟,係細個果時成日去飲茶都會叫既湯瀨粉味,即係有D蝦米冬茹肥豬肉絲既湯底,只不過瀨粉就變左一片片既粉~大片既得3,4片,其他都係碎陰陰~no good!試過就算喇~!寧願食返湯瀨粉~但如果你就腳,又想轉下口味,女仔黎講,一碗都夠飽,$12都叫經實惠~攦粉就係粗身D既米線,係幾滑既,爸爸都有講話點解咁滑,媽咪就話係D米靚喎~雞酒攦粉($18): 有幾舊雞腿肉,但一早俾爸媽食晒~我試過D湯就冇酒味,媽咪就話D酒味係雞到,我就唔知係唔係真係有喇~炸鯪魚球攦粉($18): 我試左一舊仔炸鯪魚球,可能太細舊,試唔出有咩特別~普普通通咁~因為我有炸野同油恐懼症架!我係因為其他人推介而叫俾爸媽試~但如果淨食炸鯪魚球就$25/6粒,而家攦粉連炸鯪魚球3粒$18叫化算D~我鐘意食攦粉上面既家鄉小抄,亦有家鄉小抄攦粉,$15走時先買糕,因為堂食$4舊,外賣$10/3件~揀左大獲好評既芝麻
我爸媽三人叫左一個客家茶果湯($12),雞酒攦粉($18)同炸鯪魚球攦粉($18)
我三樣都試左D~
客家茶果湯: 一食就覺得隻味好熟,係細個果時成日去飲茶都會叫既湯瀨粉味,即係有D蝦米冬茹肥豬肉絲既湯底,只不過瀨粉就變左一片片既粉~大片既得3,4片,其他都係碎陰陰~no good!試過就算喇~!寧願食返湯瀨粉~但如果你就腳,又想轉下口味,女仔黎講,一碗都夠飽,$12都叫經實惠~
攦粉就係粗身D既米線,係幾滑既,爸爸都有講話點解咁滑,媽咪就話係D米靚喎~
雞酒攦粉($18): 有幾舊雞腿肉,但一早俾爸媽食晒~我試過D湯就冇酒味,媽咪就話D酒味係雞到,我就唔知係唔係真係有喇~
炸鯪魚球攦粉($18): 我試左一舊仔炸鯪魚球,可能太細舊,試唔出有咩特別~普普通通咁~因為我有炸野同油恐懼症架!我係因為其他人推介而叫俾爸媽試~但如果淨食炸鯪魚球就$25/6粒,而家攦粉連炸鯪魚球3粒$18叫化算D~
我鐘意食攦粉上面既家鄉小抄,亦有家鄉小抄攦粉,$15
走時先買糕,因為堂食$4舊,外賣$10/3件~
揀左大獲好評既芝麻糕,我係南瓜迷所以好想試南瓜糕,仲有花生茶果,恨試茶果既原因係果時睇女人唔易做重播,小齊(林峰)既嫲嫲(黎萱)做茶果好叻而自己又好似未食過~我以前係麻buy甚麼粉果,茶果,覺得佢地既皮大淡,其實而家都麻buy,但會想試小小羅~
糕既size就同一般酒樓既煎糕咁上下大,唔叫好大件喇~
但$10/3件都叫抵既~因為可以試三款糕~酒樓既糕點甜品叫一碟只得一款~
我又係三樣都試左D喇~
佢D糕睇落好似好實,但食落又唔係喎!
芝麻糕: 「推介!」芝麻味好香!真係堅唔甜!怕甜者放心!甜既話我一早獲利回吐~(好核突添 : P)
南瓜糕: 奶味太大OVER,冇南瓜味!唔係難食,OK既,唔特別同名不符實咁羅~比芝麻糕甜~
花生茶果: 因為想食咸,所以揀花生涵(仲有豆沙同眉豆),起初唔明點解齋得花生會係咸!?原來加左蝦米,葱之類~涵叫多~皮煙韌~但我諗雖然細細個但食晒成個都幾滯~可能係我最後試既原故~但花生茶果「值得一試!」
由於呢間店對於我黎講唔叫就腳,所以雖然價錢算經濟,但試過就算~!
小Tips: 「大記攦粉糕點專門店」同「美味餃子店」相距只係10分鐘路程,大家可以一箭雙鵰~
「美味餃子店」屬可以一試~!
我試過韮菜豬肉同白菜豬肉~皮薄涵多,涵都切得好幼細,野葛菜生魚湯底味唔算濃但勝在冇咩油~
果時外賣左一打生既韮菜豬肉餃返屋企自己煮,因為生既韮菜豬肉餃只係$17一打,但第二日自己煮時因為時間掌握得唔好,覺得唔再好食!
「美味餃子店」應該唔會encore~因為我同爸爸2個水餃都偏愛皮厚少少而料不用太多,目前為止首選牌既水餃係我地既飛佛!
雖然樣樣只係試左小小,但都滯滯地~我要飲茶消下滯!
Post
