玉桃軒酒家 (利舞臺廣場)

Open Now

Now Closed

細個總係會經常陪住嫲嫲周圍去，尤其是佢經常放係嘴邊既一句說話：「你估我去飲茶係為食野咩，我至在飲水咋！」果時都仲未好明白係咩道理。長大後慢慢就領悟到，點解老人家會咁堅持每日晨咁早去起身去飲茶，其實呢份執著就係一種生活習慣，亦都係一種人生意義。等於你叫我無得打機，我人生都會好灰暗一樣。所以今日就黎到銅鑼灣「玉桃軒酒家」體會一杯濃茶 · 一份情懷既文化特色。👇📌四川擔擔麵 - $98(窩)👉我對擔擔麵要求好高，最講究就係佢既湯底，一定要夠麻香。呢到整得水準唔錯，首先麻醬味濃郁，搭配花生粒、肉鬆碎，份量亦唔少，整體入口帶鹹香而不辣。麵質爽口彈牙，的確夠哂四川風味！📌東江豆腐煲 - $42👉去得酒樓一定要整返個煲先有feel咖麻，呢個東江豆腐煲落足料。鯪魚球新鮮爽滑彈牙；豆腐清甜滑嫩，亦有濃厚豆味，加埋生菜亦顯得份外清香。📌花雕醉嫩雞 - $55👉向來我都對醉雞情有獨鍾，除左單單因為花雕酒既酒香外，我覺得係一種特別既味道。因為普通既白切雞我係好少食，例如係食燒味我都只會嗌豉油雞咁解。而呢到既醉雞就完全符合我要求，香而不濃，嫩而不老，相當惹味。