蛇王易 (Closed)

自己本身就好少專登去食蛇，唔抗拒，但亦唔算好鍾意，以前我哋一班死佬都曾經搞過啲蛇宴，一大棚人高高興興嘛。不過，有死佬唔老實呃兄弟，加埋疫情，我哋嘅死佬飯局（就算小飯局）都停晒，唔知何時先再搞番。早前，晌網上睇到銅鑼灣出名蛇店「蛇王二」嘅班底再出江湖，以「蛇王易」之名晌灣仔開咗新店，是夜無飯開，一支公貪得意過嚟幫襯吓。 比起「蛇王二」，雖然新店地方新簇咗，光猛咗，但就無咗蛇鋪嗰種韻味，望上去，就只喺一家賣燒味、賣臘味嘅中式小廚餐廳。當然，時代總會變！ 雖然枱上已放有餐牌，不過，好似跟牆上嘅巨型餐牌又有啲唔同，所以，都一齊貼晒出嚟俾大家參考。基本上，主打都喺燒味、臘味，仲有啲燉湯及套餐。因為得一支公，蛇羹定燉湯，臘味定燒味，只可以二擇其一。特價蛇羹套餐 $110嚟得呢度，相信有唔少人喺衝着蛇羹而嚟，所以，眼見唔少人都喺叫「特價蛇羹套餐」，已包蛇羹、飯及油菜，我亦唔使多諗揀呢個，只需要諗吓想食脆皮潤腸飯定喺臘味糯米飯。先嚟碗蛇羹，正如食火鍋，依家食蛇都唔分季節喇，碗蛇羹確喺幾足料，羹內有大量一絲絲蛇肉、冬菇絲、木耳絲、果皮絲，淨喺食碗羹都飽飽哋肚，再者，味道都幾香，質感又唔錯。 而飯品揀咗臘