Video
Read full review
2016-10-20
394 views
間唔中都要對自己「蠔」下，獎勵自己平時辛勤工作~ 九龍城地膽朋友同我講佢屋企附近開左間專食蠔既餐廳，世界各地既蠔都有得食，問我放工一唔一齊食，唔好成日黎搵親佢都食泰國菜，佢怕怕，食下泰國菜以外既野好喎😂未點菜已經奉上前菜比我地食，前菜望落好普通，得啲菜加碟啡色醬，食落先知原來唔普通。沙葛，蘿蔔好爽脆，重點係個醬，原來係用蠔提煉精華而成，陣陣蠔香，又唔似蠔油咁鹹，點蔬菜食先可以真正食出蠔精華呢。我同朋友都各自叫左一碗蠔湯，但係我地都擁護自己碗湯最好飲，朋友叫日式蠔湯，覺得個湯好似清泉般清甜，配豆腐最好不過，清湯容易消滯，海帶絲亦能消消熱毒。就咁望，西式蠔湯有啲似龍蝦湯~ 我鐘意西式蠔湯因為佢夠哂濃郁，將所有蠔攪拌成湯，加入忌廉後後更加香滑，飲完之後依然齒頰留香。湯中仲有2隻肥美大蠔，簡直係蠔上加蠔，經蠔湯浸後更香。鐘意食炸野既我點會放過食吉列蠔呢樣野呢~ 我冇諗度啲吉列蠔會咁好食，一咬之下鮮甜蠔汁不斷湧出，同平時食開既好大分別，可能因為全部蠔都係新鮮，其他鋪頭用既都係急凍蠔，所以先咁爆汁😍仲有蠔粉漿好薄，呢啲先係吉列蠔黎~ 就算食烏冬，都要有蠔。啲蠔脹卜卜，成個乒乓波咁大粒😋烏冬幼細，爽
未點菜已經奉上前菜比我地食，前菜望落好普通，得啲菜加碟啡色醬，食落先知原來唔普通。沙葛，蘿蔔好爽脆，重點係個醬，原來係用蠔提煉精華而成，陣陣蠔香，又唔似蠔油咁鹹，點蔬菜食先可以真正食出蠔精華呢。
我同朋友都各自叫左一碗蠔湯，但係我地都擁護自己碗湯最好飲，朋友叫日式蠔湯，覺得個湯好似清泉般清甜，配豆腐最好不過，清湯容易消滯，海帶絲亦能消消熱毒。
就咁望，西式蠔湯有啲似龍蝦湯~ 我鐘意西式蠔湯因為佢夠哂濃郁，將所有蠔攪拌成湯，加入忌廉後後更加香滑，飲完之後依然齒頰留香。湯中仲有2隻肥美大蠔，簡直係蠔上加蠔，經蠔湯浸後更香。
鐘意食炸野既我點會放過食吉列蠔呢樣野呢~ 我冇諗度啲吉列蠔會咁好食，一咬之下鮮甜蠔汁不斷湧出，同平時食開既好大分別，可能因為全部蠔都係新鮮，其他鋪頭用既都係急凍蠔，所以先咁爆汁😍仲有蠔粉漿好薄，呢啲先係吉列蠔黎~
就算食烏冬，都要有蠔。啲蠔脹卜卜，成個乒乓波咁大粒😋烏冬幼細，爽口彈牙，呢度係湯底方面選擇較清淡既湯，可以品嚐出蠔既鮮味，相當有心思。
小町蠔2L 相當大隻，有成個手掌✋咁大，飽滿緊實，一口氣食時感覺好飽，海水味係嚼食後慢慢咁滲出黎。
岩蠔係咁多款中最濃烈海水味，咀嚼後更覺得海水浪花係口中拍打，別有一番自然風味。
我最最最鐘意食呢隻占拉度生蠔，冇腥味不在話下，入口時非常清爽，入口順滑，鮮甜度爆燈，完全唔需要落任何醬料同檸檬汁直接細味👍
講起燒雞泡魚乾，真係冇咩邊度鋪頭可以食到，估唔到#蠔門宴 居然有，一定要食啦，咁先不枉此行😏雞泡魚乾比魷魚乾表面香脆，食落口有啲似豬肉乾具豐富肉汁，送酒食一流。
燒大元貝用左最簡單既方法烹調，少少蒜蓉，少少蔥花調味，保留元貝原汁原味味道，而且仲半個掌心咁大，肉厚鮮美。
除左海鮮之外，黑毛豬串估唔到都好有水準，吹來剛燒好豬肉香氣，肉質軟嫩，入口即溶，可謂呢度另類之選。
英雄配美人，白酒當然配生蠔啦😆
Post
