Video
Read full review
2019-11-27
155 views
身為香港人，當然愈夜愈精彩啦，去到尖沙咀亦都唔例外。係海港城LCX裡面呢間新派韓國餐廳「The Joomak」今期流行大玩港式Fusion，將韓原食材配合港式烹調手法，將獨特風味呈現出黎。再加埋個橫跨成個維港既無敵大海景，相機食先既你一定唔可以錯過！👇📌經典韓式肉食部隊鍋 - $158👉天氣轉開始轉季，梗係圍爐取暖啦，部隊鍋就係其中一個選擇。當然數到最經典不外乎腸仔、豚肉片、茄汁焗豆、厚切午餐肉、韓式年糕、泡菜，再加埋個辛辣麵就最基本啦。無論你係男人老狗定係港女，都一樣走唔甩呢個集萬惡既鍋物之下。📌鮮磨沙爹醬鐵鍋炒年糕 - $138👉用鐵鍋原意當然係想keep住個溫度啦，但佢最大既賣點係用上鮮磨沙爹醬炒出黎果種惹味感，係零舍唔同既。雞肉同年糕既份量都十足，加埋紫洋蔥係面令賣相更加靚仔。最頂仲有一串燒過既菠蘿中和一下油膩，唔錯。📌鰻魚泡菜炒飯 - $188👉輪到我最愛既鰻魚泡菜炒飯！雖然唔係我想像中既原條呈上，不過就算切粒上都一樣有睇頭。每粒厚切鰻魚夠哂肥美，食落非常脆口；飯底炒得夠金黃，連埋泡菜一齊炒，相當惹味，呢個一定要試！📌爆谷荔枝 · 韓Shake - $138(2人份)👉估唔到
係海港城LCX裡面呢間新派韓國餐廳「The Joomak」今期流行大玩港式Fusion，
將韓原食材配合港式烹調手法，將獨特風味呈現出黎。
再加埋個橫跨成個維港既無敵大海景，相機食先既你一定唔可以錯過！👇
📌經典韓式肉食部隊鍋 - $158
👉天氣轉開始轉季，梗係圍爐取暖啦，部隊鍋就係其中一個選擇。
當然數到最經典不外乎腸仔、豚肉片、茄汁焗豆、厚切午餐肉、韓式年糕、泡菜，
再加埋個辛辣麵就最基本啦。無論你係男人老狗定係港女，都一樣走唔甩呢個集萬惡既鍋物之下。
📌鮮磨沙爹醬鐵鍋炒年糕 - $138
👉用鐵鍋原意當然係想keep住個溫度啦，但佢最大既賣點係用上鮮磨沙爹醬炒出黎果種惹味感，
係零舍唔同既。雞肉同年糕既份量都十足，加埋紫洋蔥係面令賣相更加靚仔。
最頂仲有一串燒過既菠蘿中和一下油膩，唔錯。
📌鰻魚泡菜炒飯 - $188
👉輪到我最愛既鰻魚泡菜炒飯！雖然唔係我想像中既原條呈上，
不過就算切粒上都一樣有睇頭。每粒厚切鰻魚夠哂肥美，食落非常脆口；
飯底炒得夠金黃，連埋泡菜一齊炒，相當惹味，呢個一定要試！
📌爆谷荔枝 · 韓Shake - $138(2人份)
👉估唔到呢個特飲都幾有睇頭，Staff會即埸幫你調製。當中材料用上新鮮荔枝果肉、梳打水、
荔枝汁同埋Vodka倒埋落Shaker，飲落竟然好有驚喜，有少少煙燻、爆谷味，仲有啖啖清香既荔枝清甜，
開胃到不得了！
Post
