Video
Read full review
2022-10-04
33 views
以前係中環返工既時候，收工永遠都離不開走去蘭桂坊飲返杯放鬆下🍺但原來蘭桂坊除左有酒吧可以飲酒chill下之外，入面仲有一些唔錯既餐廳添🍻就好似今次小編介紹既呢一間咁，環境舒服之外裝修係以冷色既灰色為主調，有得飲酒之餘仲有西班牙 Tapas order，係時候去chill下先啦 💓🍽️ Desire Restaurant and Bar🥔 Croquette with Truffle($78)可樂餅外皮炸到金黃酥脆，內餡就以薯蓉及松露混合而成，口感較綿密仲帶有少少松露既香味，真係幾唔錯喎！👍🏻🍤 Seafood Hush Puppies($98)炸到金黃脆卜卜既海鮮餅，入面用左蝦肉及蟹肉組成合而成，兩種唔同既鮮味一次過呈現出黎，口感上夠哂豐富。😍🍫 Pan-seared Foie Gras with 99% Dark Chocolate($198)鵝肝既火候煎得剛剛好，配埋烘過既多士以及焦糖蘋果，無論擺盤及味道都非常好👍🏻三樣同時放入口既時候，會先食到鵝肝外皮脆口加上入口即溶既幼滑質感，之後滲有鵝油既脆脆多士，以及用左玉桂粉煮過既蘋果。當然唔少得既係朱古力醬汁啦，一般餐廳多數會用上黑醋汁，
🍽️ Desire Restaurant and Bar
🥔 Croquette with Truffle($78)可樂餅外皮炸到金黃酥脆，內餡就以薯蓉及松露混合而成，口感較綿密仲帶有少少松露既香味，真係幾唔錯喎！👍🏻
🍤 Seafood Hush Puppies($98)炸到金黃脆卜卜既海鮮餅，入面用左蝦肉及蟹肉組成合而成，兩種唔同既鮮味一次過呈現出黎，口感上夠哂豐富。😍
🍫 Pan-seared Foie Gras with 99% Dark Chocolate($198)鵝肝既火候煎得剛剛好，配埋烘過既多士以及焦糖蘋果，無論擺盤及味道都非常好👍🏻三樣同時放入口既時候，會先食到鵝肝外皮脆口加上入口即溶既幼滑質感，之後滲有鵝油既脆脆多士，以及用左玉桂粉煮過既蘋果。當然唔少得既係朱古力醬汁啦，一般餐廳多數會用上黑醋汁，但今次朱古力中既甘苦味反而可以令到整體唔會咁油膩，真係推介大家試試！ 👍🏻👍🏻👍🏻
🍞 Fresh Mussels With Saffron($198)青口既份量都幾多，而且肥美新鮮得黎肉質都夠嫩滑，配埋自制既藏紅花忌廉汁。每一隻青口都沾滿濃濃既醬汁，味道配合之餘仲為青口本身既口味帶多一份鹹鮮。當然旁邊仲有幾塊烘到焦香既酸種麵包，都可以沾埋忌廉汁一齊食夠惹味。😉😉
Post
