Video
Read full review
2023-05-06
810 views
【東區】【激安燒肉工房】有朋友生日，上年係同佢去海底撈慶祝，佢尷尬到一個點，不過我哋就笑到樂不可支。今年得返我請佢，去啲其他嘢度慶祝有何不可？呢間東區嘅燒肉店我想食好耐，叫埋朋友去同佢慶生，佢唔介意就最好喇，入去啦。首先係 $42 嘅前菜「小女子」，佢係日本傳統食物，由合桃同埋魚仔乾用慢火烹煮，食起嚟又甜又濃，但係唔算膩，做餐前小食一流。之後到主菜 $288 嘅「五目九宮格盛合」，佢仲有另一款九宮格，呢款平啲，試咗先。佢有厚切牛舌腩、A4和牛上蓋、極黑和牛、手切 Prime 牛小排、A4 和牛腩、壺漬牛肋肉/角切、安格斯霜降牛、 味噌五花腩同埋柚子雞肉，唔逐樣講喇，總體而言係有驚喜嘅，估唔到平價嘅拼盤都有咁嘅質素嘅肉類，正。散叫咗碟 $48 嘅「栗子豬五花」，朋友揀咗黑椒鹽味，食落都唔錯，肥瘦真係算均勻，有豬味。跟住就到 $188 嘅「手切和牛沙巴當」，即係大概牛肩胛嘅下面接近肋骨嘅部份。雖然油花幾緊密，但係油香味唔算話好突出。朋友爭啲五穀類，叫埋 $28 嘅「紫菜月見飯」，我都偷咗啲嚟食，紫菜撈飯係正，加埋餐廳特色選用嘅深橙色九州熔岩蛋，食落蛋味係幾濃。飲品方面，首先係 $48 嘅「
首先係 $42 嘅前菜「小女子」，佢係日本傳統食物，由合桃同埋魚仔乾用慢火烹煮，食起嚟又甜又濃，但係唔算膩，做餐前小食一流。之後到主菜 $288 嘅「五目九宮格盛合」，佢仲有另一款九宮格，呢款平啲，試咗先。
佢有厚切牛舌腩、A4和牛上蓋、極黑和牛、手切 Prime 牛小排、A4 和牛腩、壺漬牛肋肉/角切、安格斯霜降牛、 味噌五花腩同埋柚子雞肉，唔逐樣講喇，總體而言係有驚喜嘅，估唔到平價嘅拼盤都有咁嘅質素嘅肉類，正。
散叫咗碟 $48 嘅「栗子豬五花」，朋友揀咗黑椒鹽味，食落都唔錯，肥瘦真係算均勻，有豬味。跟住就到 $188 嘅「手切和牛沙巴當」，即係大概牛肩胛嘅下面接近肋骨嘅部份。雖然油花幾緊密，但係油香味唔算話好突出。
朋友爭啲五穀類，叫埋 $28 嘅「紫菜月見飯」，我都偷咗啲嚟食，紫菜撈飯係正，加埋餐廳特色選用嘅深橙色九州熔岩蛋，食落蛋味係幾濃。飲品方面，首先係 $48 嘅「SAPPORO 生啤」做緊買一送一，一人一杯啱啱好。
未夠喉，飲埋 $84 嘅「可爾必思燒酌梳打」，不嬲我都中意飲 calpis，好易入口，爽到爆。食埋甜品，$24 嘅「焦糖芝士蛋糕」係唔差，但衰在真係太硬。朋友 $32 嘅「宇治抹茶最中餅」幾好，抹茶雪糕加紅豆蓉本來就夾。
成餐飯 $865，我覺得唔貴，係因為朋友生日我先要畀晒，正常夾錢的話其實一人四百零蚊食到呢啲嘢又唔過份。最重要係個氣氛，周圍嘅陳設令到唔同客人一齊燒肉係有啲日本 feel 嘅。難怪呢間嘢都好似幾 full，我哋算好彩。。。
（地址：筲箕灣新成街8號新成中心地下F號舖）
#1amfoodie #hkig #foodie #hk #hongkong #hongkongfoodie #hkfoodstagram #thatfoodiething #love #hkfoodblog #globaleats #foodieman #1am東區 #筲箕灣 #西灣河 #激安燒肉工房 #茶餐廳 #冰室 #五目九宮格盛合 #栗子豬五花 #手切和牛沙巴當 #小女子 #紫菜月見飯 #SAPPORO生啤 #可爾必思燒酌梳打 #焦糖芝士蛋糕 #宇治抹茶最中餅 #1am0834 #1ambackup
Post
