Video
Read full review
2024-06-16
906 views
適逢父親節，父親大人佢不嬲幾鍾意阿根廷呢個地方，阿根廷嘅球隊、風土人情等等。👴🏻👴🏻👴🏻可惜小編不孝，帶唔到佢去當地，唯有帶佢嚟呢間 @pampas_36 。Pampas Argentina Steak House 係 @pampashk 的姊妹店，係香港早期嘅阿根廷餐廳。🇦🇷🇦🇷🇦🇷入面裝修好有異國風情，典雅幽靜，老細亦好熱情，推介咗啲特色食物俾我哋。➡️Salad 🥦呢度有個自助沙律吧，有唔同沙律菜、堅果、醬汁選擇。選擇上唔算好多，但感覺都新鮮乾淨，油醋沙律作為開胃菜認真唔錯。➡️Provoleta $118 🧀🫕呢個係老細極力推薦嘅阿根廷傳統菜式，主要係用Provolone Cheese、香草、青橄欖整成。Provolone Cheese係一種非常拉絲嘅芝士，焗溶咗可以拉到非常之高，再夾落麵包到食。小編本身都買過呢種芝士嚟食，嫌佢淡咗啲，得陣奶味，但估唔到佢呢個鹹鹹香香，配麵包超正。味道：9/10➡️Empanada de Carne $45 🥧呢個其實即係牛肉餡餅。據老細所講，喺拉丁美洲、阿根廷都非常普遍係好多餐廳會出現嘅小食之一，佢出面嘅㓟皮喺偏硬脆嗰種嘅批皮（非酥皮、牛油皮）。入
適逢父親節，父親大人佢不嬲幾鍾意阿根廷呢個地方，阿根廷嘅球隊、風土人情等等。👴🏻👴🏻👴🏻可惜小編不孝，帶唔到佢去當地，唯有帶佢嚟呢間 @pampas_36 。Pampas Argentina Steak House 係 @pampashk 的姊妹店，係香港早期嘅阿根廷餐廳。🇦🇷🇦🇷🇦🇷入面裝修好有異國風情，典雅幽靜，老細亦好熱情，推介咗啲特色食物俾我哋。
➡️Salad 🥦
呢度有個自助沙律吧，有唔同沙律菜、堅果、醬汁選擇。選擇上唔算好多，但感覺都新鮮乾淨，油醋沙律作為開胃菜認真唔錯。
➡️Provoleta $118 🧀🫕
呢個係老細極力推薦嘅阿根廷傳統菜式，主要係用Provolone Cheese、香草、青橄欖整成。Provolone Cheese係一種非常拉絲嘅芝士，焗溶咗可以拉到非常之高，再夾落麵包到食。小編本身都買過呢種芝士嚟食，嫌佢淡咗啲，得陣奶味，但估唔到佢呢個鹹鹹香香，配麵包超正。
味道：9/10
➡️Empanada de Carne $45 🥧
呢個其實即係牛肉餡餅。據老細所講，喺拉丁美洲、阿根廷都非常普遍係好多餐廳會出現嘅小食之一，佢出面嘅㓟皮喺偏硬脆嗰種嘅批皮（非酥皮、牛油皮）。入面係牛肉碎，充滿香料嘅味道。
味道：8/10
➡️Luigi Bosca 🍷
節日梗係要飲杯酒慶祝吓，小編就唔多飲酒，唔係好識評論。但父親大人似乎都幾滿意，話果味幾香，少少似車厘子同莓味。
➡️Tenderloin Steak (250g)$375 🥩
➡️Sirloin Steak (250g)$275 🐄
終於到今日嘅主角，就係阿根廷嘅草飼牛肉。唔講唔知其實牛肉牛扒對阿根廷人嚟講係非常重要嘅一個食物。因為呢度有遼闊嘅大草原，非常適合畜牧業，使得牛隻運動量充足，脂肪不多但肉味十足，同時草飼牛可以令肉有較多Omega-3 脂肪酸，對食客負責較輕、亦比較健康。如果唔多鍾意充滿油脂嘅日本和牛，阿根廷牛可能幾啱你。呢種優勢亦都給引歐洲人投資或者買貨，養活咗一班阿根廷人。
佢哋牛排大致分為三種：里脊肉、肉眼同西冷。我哋就試中低各一。Tenderloin 可以叫菲力，或者係去脂腰里肌肉，位於牛腰背的內側後段肌肉，呢個位少運動到，唔肥之餘，肉質又係最柔嫩嘅部位。呢個里脊肉牛排，你見雖然好厚，而且係七成熟，但中間仲粉嫩，食落一啲都唔韌，肉味突出。至於西冷係牛腰後端接近尾的部分，含有較多的肥油。算係油脂同肉味比較平衡嘅位置。不過小編會推薦五成多。🤣
牛排可以配蘑菇汁或者黑椒汁。其實兩款都係Gravy 底，會有陣牛肉味。真係比較黑椒汁會惹味啲，可以見到佢有唔同粗幼嘅黑椒粒營造層次。蘑菇汁嘅蘑菇味就唔係好突出，似普通Gravy。
牛排亦可以揀配菜，我哋試咗薯條同炒蘑菇粒，前者脆身，調味啱啱好。後者冇一個好突出嘅味，調味唔重，菇味又唔算突出，勝在新鮮多汁。
味道：8.6/10
味道：8.2/10
➡️Crema La Espinaca $75 🌱
小編其實係第一次食忌廉菠菜，本身覺得怪怪地。但又唔錯，幾香奶味，食落好Creamy。
味道：7.8/10
➡️總評 🙇🏻
整體來講，小編覺得呢間餐廳無論係佢嘅裝修、服務、食物都好好，而且有好多嘢係我哋冇試過，非常有特色。價錢方面，平就唔係，但考慮地點同質素，算合理啦。不過老細都話佢哋近排生意差咗唔少，小編覺得一間咁有歷史嘅品牌，如果真係結業會好可惜，希望有多啲人支持啦。
抵食：7.8/10
環境：8.2/10
服務：9/10（俾熱情老細的～🫶🏻）
32 views
0 likes
0 comments
23 views
0 likes
0 comments
10 views
0 likes
0 comments
13 views
0 likes
0 comments
11 views
1 likes
0 comments
20 views
0 likes
0 comments
17 views
0 likes
0 comments
Post
