手作鮮芋站 (Closed)

【九龍城區】【手作鮮芋站】有住喺嗰頭附近嘅朋友話畀我聽，喺九龍城有間唔錯嘅外賣店，係做台式食物嘅，喺台灣返嚟冇耐嘅我當然有興趣試一試佢。去到發現佢 exactly 就喺九龍城廣場對面，所以一定識去。而附近亦都有九龍寨城公園，要搵地方坐低好好食外賣，其實唔難。首先試佢哋吐司系列嘅「芋泥 Oreo 吐司」，售價係 $42，食落去，開頭啖啖 oreo 味，味道相當好。而食到之後就開始食到芋泥，撈埋啲 oreo 碎一齊食，好正。之後見到佢哋新出咗一隻叫「芋泥盒子」嘅嘢食，好有趣，係一個細盒，然後分三層咁食嘅。佢哋都係賣 $38 嘅，我就試咗個「焦糖餅芝士奶蓋」嘅芋泥盒子，首先面頭嘅焦糖餅又脆又甜，裡面啲芝士奶蓋撈埋芋泥咁食，食落勁邪惡。試埋佢哋嘅手搖杯，我揀咗 $38 嘅「芋泥麻糬鮮牛奶」，吐司跟餐減八蚊，好特別嘅口感，値得一試。埋單 $110，唔錯。。。（地址：九龍城賈炳達道113號地下17號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious