正粉皮涼皮專門店

Open Now

Now Closed

【九龍城區】【正粉皮涼皮專門店】睇佢哋個名叫「正粉皮」已經好想笑，個「正」字亦可以讀做 zeng3 嚟表達出係好食嘅粉皮嘅意思，一字多義，個名改得幾入腦。佢哋嘅第一款招牌菜個名亦都異曲同工，叫做「吾食正粉皮」，個吾字又可以解「我」，好笑。講到「吾食正粉皮」咯，第一款就佢啦，佢個涼皮係有嚼頭，有啲似刀削麵，同坊間嗰嗰唔同，而且佢哋標榜冇加味精，可謂全港獨有。雖然我唔太食得辣，但佢個辣係辣得嚟幾清新，話係用咗指天椒增加辣度所以係咁喎。講返碗嘢，除咗揀咗我不嬲都啱食嘅雞腎、豬耳，仲有佢哋第二款招牌菜「麻辣花膠」，惹味又養顏，點解 $35 咁平係因為佢哋直接同相熟批發入貨喎，正。碗嘢撈埋枝竹、薯絲、青瓜絲、烤麩等材料，我同啲朋友都覺得好食。係呀，講到食辣呢科嘢我點會冇搵朋友幫手食吖，不過之後每天限量，$30 嘅「無毒銀針粉」就有啲失望，可能因為係配泰式酸辣汁，我一向唔太中意呢個味，可能其他人覺得開胃醒神，但係我寧願狂食「涼拌皮蛋」，好食呀。最後係講全日最正重心 Q，「媽媽味道自家湯」，600ml 係 $40 我哋三個人飲都好夠。同「湯房」聯乘出品嘅足料無味精少鹽自家湯，今日係「花膠海底椰雪梨川