Video
Read full review
2021-06-06
189 views
先不論食物質素，環境同服務都不合格呢！！1) 可能我好遲先book位，所以獲得一個門口走廊位，欣賞唔到任何餐廳的裝修佈置，因為我唔覺得我有入過個餐廳。2) 坐門口聽到入面嘈到好似酒樓咁，所以坐門口反而仲有私人空間。3) 上菜好慢，冇主動幫我地order餐飲，唔緊要啦，自己叫，但order半個鐘飲品都未到，7:30食到10:00都唔知有冇見到侍應5分鐘，佢地全程服務坐入面的客人，淨係上菜收碟見到佢地，想加水都要起身搵人。講完唔好講番啲好野，book位要求係dessert 上寫生日祝福有做到，甜品都幾好味，一人齊就先上麵包，同埋每位送左一件蟹肉酥皮撻，慢慢等我地睇menu 先落order。✨卡邦尼意粉 $168～手工意粉專門店，試下所謂正宗唔落忌廉嘅卡邦尼意粉。我相信真係好正宗，好重蛋醬味，冇芝士味，意粉都有口感嘅。配料兩片巴馬臣芝士薄脆，有煙肉脆片同好肥嘅豬腩仔粒粒。✨5 Course Dinner Set $488其實dinner set 係幾抵食，前菜三揀一，意粉二揀一，主菜三揀一，有餐湯甜品餐飲。不過我同我朋友都唔食牛，所以我地決定叫一個set，再加一個意粉。香烤依比亞黑毛豬梅肉片
1) 可能我好遲先book位，所以獲得一個門口走廊位，欣賞唔到任何餐廳的裝修佈置，因為我唔覺得我有入過個餐廳。
2) 坐門口聽到入面嘈到好似酒樓咁，所以坐門口反而仲有私人空間。
3) 上菜好慢，冇主動幫我地order餐飲，唔緊要啦，自己叫，但order半個鐘飲品都未到，7:30食到10:00都唔知有冇見到侍應5分鐘，佢地全程服務坐入面的客人，淨係上菜收碟見到佢地，想加水都要起身搵人。
講完唔好講番啲好野，book位要求係dessert 上寫生日祝福有做到，甜品都幾好味，
一人齊就先上麵包，同埋每位送左一件蟹肉酥皮撻，慢慢等我地睇menu 先落order。
✨卡邦尼意粉 $168
～手工意粉專門店，試下所謂正宗唔落忌廉嘅卡邦尼意粉。我相信真係好正宗，好重蛋醬味，冇芝士味，意粉都有口感嘅。配料兩片巴馬臣芝士薄脆，有煙肉脆片同好肥嘅豬腩仔粒粒。
✨5 Course Dinner Set $488
其實dinner set 係幾抵食，前菜三揀一，意粉二揀一，主菜三揀一，有餐湯甜品餐飲。不過我同我朋友都唔食牛，所以我地決定叫一個set，再加一個意粉。
香烤依比亞黑毛豬梅肉片，牛油炒椰菜苗，綠胡椒汁
～味道係好食嘅，椰菜苗炒梅頭咁嘅味道囉，中餐黎嘅，好有鑊氣，椰菜苗好脆，豬肉好滑唔似有烤過。
是日餐湯 - 蕃茄濃湯
～好濃好如味，仲食到蕃茄籽。
蕃茄白酒青口手打意粉
～餐廳主打手工意粉，所以對佢充滿期待，但冇想像中咁有咬口，軟硬都適中嘅。
法國釀無骨春雞，羊肚菌汁
～有驚喜！！春雞有兩隻雞脾一個去左骨嘅身體，入面仲釀左啲肉餡，皮薄多汁肉滑，有個脆籃裝住，個脆籃裝飾黎，難食，本身有八分飽，但因為春雞好好食，都好快食哂。
羊菌汁少少咸，我覺得唔洗點汁都好好食。
是日甜品
有兩款揀，揀左tiramisu，個面好厚朱古力粉，都幾好食，一個人食哂會膩，二人share剛剛好。
餐飲
跟餐包一杯茶或咖啡
可以半價轉其他飲品
✨Mocha $53
價錢貴，但好難飲，應該係我有生之年飲過最貴最難飲的mocha，飲都覺得奇怪，冇咩味，咖啡味都淡，飲到底啲朱古力未溶呀！攞你命三千！
埋單仲要扮好有服務問我食物覺得ok 唔 ok，我唯有直接卑佢睇，你啲朱古力唔溶！佢仲答我會同水吧講下次注意返，希望真係有得改善啦！
✨Jing earl grey $68
**二人share 一個set 加個意粉剛剛好夠飽。**
如果呢個價錢，我唔會揀呢間餐廳。
Post
