Posh Coffee Club (Closed)

/成日覺得深水址到荔枝角呢區嘅咖啡小店多到數唔到，今次經過呢間Posh coffee shop，一望入去覺得裝潢，係香港地方咁珍貴嘅情況下，竟然預留咗咁多位擺放咖啡產品，呢種空間感真係算比較少見。// 呢度整體畀人感覺都都似一種日系清水混凝土風嘅設計裝潢，選用 單品（ Single Origin)嘅咖啡豆，睇吓先知單品咖啡係每一粒咖啡豆都嚟自單一產地，通常都會淺焙、中焙（ 睇返好似係咁）/BLACK有唔少人叫咖啡想打卡都會拉花嘅咖啡，我今次就跟返平時比較日常嘅選擇揀咗杯black，慢慢坐低邊飲邊寫嘢。見佢嘅杯碟餐具風格同色調都都特別夾返成個設計，都叫喺細節位都好細心。呢杯Black 熱上時候勁香，入口咖啡味唔會太濃，反而係淡淡嘅咖啡甘味之後去到喉嚨先帶微微嘅酸，作為平時唔太飲得苦嘅我，覺得就算Black都好好飲﹗果然咖啡豆靚，啡師手勢ok就沖得好飲﹗月舍英式伯爵茶鬆餅佐自製王林蘋果醬同忌廉芝士醬鬆餅金黃色咁好靚，翻熱咗之後做到外面鬆脆，裡面軟熟，食落味道除咗好香伯爵茶味，而且唔會覺得甜膩，油亦都可以揀自製王林蘋果醬/芝士醬，自製王林蘋果醬好天然，甜度都好適中，試過一啖沾晒兩款味道仲豐富