粵 (Closed)

疫情期間，餐廳都紛紛做特價優惠，就連北角城市花園酒店-米芝蓮餐廳「粵」都參與優惠同市民共渡時艱。多款精選小菜做緊半價，連同酒水、汽水飲品都做半價優惠，同屋企人一齊去食，埋單都係千零蚊，認真抵食。蜜汁叉燒拼龍井茶燻乳鴿 港幣$153 (原價港幣$306)，半肥瘦叉燒淋上蜜汁，香甜美味；拼龍井茶燻乳鴿，經過幾小時茶燻烹調，離遠都能聞到茶燻的香氣。 大澳脆炸雞港幣$134 (原價港幣$268)，呢道菜充滿魚鄉風味，用大澳蝦膏做醬汁，配上外脆內軟的雞塊，惹味又可口。 脆鍋粑乾燒河蝦 港幣$153 (原價港幣$168)，脆卜卜的鍋粑，妹妹食得最開心，配上大大隻燒河蝦，滿足感10分。 彩椒菠蘿咕嚕肉  港幣$84 (原價港幣$168)，咕嚕肉炸過再炒，外面鬆脆，裏面鬆軟，用上了新鮮菠蘿，香甜又多汁。 蝦籽野菌紅燒豆腐 港幣$74(原價港幣$148)，滑嘟嘟的紅燒豆腐拼白灼生菜。 花雕蛋白蒸龍躉球 (每位)  港幣$64 (原價港幣$128)，龍躉魚蛋白質豐富，再用埋花雕、蛋白去蒸，帶有酒的香醇，又有助提升魚的鮮味。最後甜品梗係要試吓呢度嘅招牌蛋白杏仁茶，蛋白和杏仁茶的比例剛剛好，又不會太甜，食完即