Video
Read full review
2019-03-13
744 views
香港人工作步伐急速，生活節奏緊張……等等！呢兩句野係咪有啲熟口面？係呀，放工一陣又話重要趕住見客，一陣又話要自我增值趕去上堂等等…係放工同下場中間呢段秒秒幾百萬上落既時間，要速食又要健康重要食素？？一次過要哂呢3個咁奢侈既願望，唔通只有食Kinder出奇蛋？「神啊！老婆我都搵到，唔通想食健康少少既野就搵唔到！？」然後當我行入彩虹地鐵站後就証明左呢個神係真係存在既！「Subway」冇錯，今次我要掃既係Subway！不過醒目既師主一定就會問：「Subway唔係素食店黎喎？」Ａ～師主，你有所不知了，其實依家Subway有兩款素包架～亦即係今次會介紹既兩款：(1) 素菜健盈樂(2) 素扒潛艇堡（今次唔特別介紹間野個殼，總之就係咁subway一間，間舖望落都乾淨既）係介紹野食之前，先講下個「Subway攻略」：（一）係cashier叫野：唔好以為叫野比錢就攪掂，叫野之後先係挑戰既開始（二）先揀包：共4款比你揀，即係同一款包你可以食4次（三）揀配菜：呢關應該可以稱為大佬關，過程中你可能需要發出數次「this」或「that」字。＊但其實你可以以一個字「ALL」KO佢。（四）揀醬料：首先你要眼
等等！呢兩句野係咪有啲熟口面？係呀，放工一陣又話重要趕住見客，一陣又話要自我增值趕去上堂等等…係放工同下場中間呢段秒秒幾百萬上落既時間，要速食又要健康重要食素？？一次過要哂呢3個咁奢侈既願望，唔通只有食Kinder出奇蛋？
「神啊！老婆我都搵到，唔通想食健康少少既野就搵唔到！？」
然後當我行入彩虹地鐵站後就証明左呢個神係真係存在既！
「Subway」
冇錯，今次我要掃既係Subway！不過醒目既師主一定就會問：「Subway唔係素食店黎喎？」
Ａ～師主，你有所不知了，其實依家Subway有兩款素包架～亦即係今次會介紹既兩款：
(1) 素菜健盈樂
(2) 素扒潛艇堡
（今次唔特別介紹間野個殼，總之就係咁subway一間，間舖望落都乾淨既）
係介紹野食之前，先講下個「Subway攻略」：
（一）係cashier叫野：唔好以為叫野比錢就攪掂，叫野之後先係挑戰既開始
（二）先揀包：共4款比你揀，即係同一款包你可以食4次
（三）揀配菜：呢關應該可以稱為大佬關，過程中你可能需要發出數次「this」或「that」字。＊但其實你可以以一個字「ALL」KO佢。
（四）揀醬料：首先你要眼明，分辨咩醬係咩醬，然後要心快，諗掂你呢刻想要既醬
（五）拎野比錢：辛苦哂！以下就係今次既兩位戰利品：
素菜健盈樂（蜜糖燕麥包＋田園沙律醬）
素菜健盈樂（蜜糖燕麥包＋田園沙律醬 )
45 views
0 likes
0 comments
雖然睇唔哂啲配料，但其實係已經放哂上述既菜類配料入去。
可以話係一個好基本既subway包，蜜糖燕麥包食唔出蜜糖左係邊，不過無減佢既好味程度！
田園沙律醬相對清新，但仍保留到香味。
素扒潛艇堡（全燕包＋千島醬）
素扒潛艇堡（全麥包＋千島醬）
58 views
0 likes
0 comments
素扒潛艇堡（全麥包＋千島醬）
58 views
0 likes
0 comments
不過！個人覺得呢個真係值得一試！雖然塊素肉好薄，食左都唔覺，不過就係因為多左塊野，口感豐富左，而且因為係炸既，所以會比上面果個香口啲（但亦可能係因為用左千島醬）。
同場加映：門面，Subway咁既樣既Subway
Other Info. :
【關於Subway恐懼症】
其症狀包括「莫明既不安或慌張」、「唔敢叫或揀」、「扮英文人」等等。其實我都係病者之一，不過因為呢間係全中文，所以醫好左我，而加我係其他分店都可以大聲叫「this and that」喇！
(The above review is the personal opinion of a user which does not represent OpenRice's point of view.)
Post
