Video
Read full review
2022-12-30
894 views
今日諗住近近地係上環附近搵間餐廳同朋友食，留意到openrice係西環果邊有間越南菜，見到都幾多人推薦$108四重享套餐，套餐包咗主食、小食、鳳爪沙律／米紙卷二選一同一杯越式特飲。我同朋友就每人叫咗一個套餐再選擇唔同嘅小食share！———————————————🌟牛腩湯河／生牛肉湯河主食因為兩個湯河都類似小編就唔特別分開講喇，但牛肉粉嚟講其實都真係幾高質，份量充足，特別係牛腩湯河一上果下就已經見到有成8至10舊牛腩係上面，而且每舊牛腩都炆得好腍好好食。至於生牛肉湯河都好唔錯，肥牛食落牛味都算濃，絕對唔係果種好平又好韌嘅肥牛，不過都有一兩塊可能會肥少少，但性價比嚟小編真係覺得無得頂。然後到呢兩個湯河最令我加分嘅地方——白蘿蔔，一咬落去真係好驚喜，煲得好腍好入味，而且一啲都唔老唔會有渣。.🌟香茅雞翼香茅雞翼跟餐叫有兩隻，即叫即炸熱辣辣，外皮好脆之餘味道亦都醃得好好。.🌟魷魚蝦枝呢個小食比較少餐廳有，其實就係圖中果果三條好似春卷嘅嘢，中間包住一舊好似平時花枝丸嘅肉，外面個皮好簿咬落亦好香脆，熱辣辣連埋甜酸醬真係超滋味。.🌟鳳爪沙律鳳爪沙律一共有三舊，肉雖然唔係話多，但其實佢配料好似生菜、車
———————————————
🌟牛腩湯河／生牛肉湯河
主食因為兩個湯河都類似小編就唔特別分開講喇，但牛肉粉嚟講其實都真係幾高質，份量充足，特別係牛腩湯河一上果下就已經見到有成8至10舊牛腩係上面，而且每舊牛腩都炆得好腍好好食。至於生牛肉湯河都好唔錯，肥牛食落牛味都算濃，絕對唔係果種好平又好韌嘅肥牛，不過都有一兩塊可能會肥少少，但性價比嚟小編真係覺得無得頂。然後到呢兩個湯河最令我加分嘅地方——白蘿蔔，一咬落去真係好驚喜，煲得好腍好入味，而且一啲都唔老唔會有渣。
.
🌟香茅雞翼
香茅雞翼跟餐叫有兩隻，即叫即炸熱辣辣，外皮好脆之餘味道亦都醃得好好。
.
🌟魷魚蝦枝
呢個小食比較少餐廳有，其實就係圖中果果三條好似春卷嘅嘢，中間包住一舊好似平時花枝丸嘅肉，外面個皮好簿咬落亦好香脆，熱辣辣連埋甜酸醬真係超滋味。
.
🌟鳳爪沙律
鳳爪沙律一共有三舊，肉雖然唔係話多，但其實佢配料好似生菜、車厘茄果啲都做得非常足，鳳爪咬落亦都好爽口。
.
🌟扎肉米紙卷
成個卷皮薄餡靚又大大舊，扎肉份量唔算多但入面仲有好多其他配料，成舊咬落去口感超豐富，不過就咁食味道可能會唔夠，大家要記得要點返越南米紙卷醬汁，味道先會更濃更好食。
.
🌟話梅蜂蜜柚子茶
呢個柚子茶味道調得好好，唔太甜又有落足料，加埋話梅真係解渴又開胃。
.
🔶整體評價🔶
成個套餐先$108真係非常抵，餐牌上小食嘅選擇非常多，好似炸蝦角、炸蝦餅、烤豬頸肉等等都非常吸引，而且小食仲會諗好擺盤先上，小店製作都好有心。另外係服務方面，雖然係一間小店但服務都算服到，台面有提供紙巾，服務員於叫餐後亦有提供濕紙巾，唯一係餐廳位置唔算多，但有興趣嘅朋友仔都可以考慮外賣，我見外賣自取仲有9折優惠，真係好高性價比，真心推薦比各位🫶🏻
.
🔸味道：8/10
🔸環境：7/10
🔸服務：8/10
🔸打卡指數：6/10
———————————————
🍵越火越式湯粉
📍西環厚和街28號順昌大廈地下E號舖
Shop E, G/F, Shun Cheong Building, 28 Hau Wo Street, Western District
———————————————
👉🏻#hkchiller美食地圖_西環
👉🏻#hkchiller晚餐推介
👉🏻#hkchiller越南菜
Post
