立体派拉麵 (棉登徑) (Closed)

聖誕🎄假期一直約朋友慶祝食飯，我最愛嘅「立体派」在尖沙咀開咗分店啦，專程來捧場新出的「黃金味噌拉麵」，有肉碎、叉燒、椰菜、福袋，同以往食嘅味增拉麵好唔一樣，當中嘅味噌仲加入左擔擔麵完素，而送上拉麵嘅時候就會用到日本傳統「出前箱」送到面前，好有昔日日本情懷。另外，鯖魚湯香菇野菜海蝦拉麵🍜亦係我嘅至愛，每一啖鯖魚湯都非常之清甜，有不同嘅香菇野菜，感覺特別健康。配上三隻新鮮大海蝦🦐，啖啖肉，吃落非常彈牙鮮甜。食拉麵又豈少得唐揚脆炸雞🍗，無骨雞肉大件兼啖啖肉，外脆內軟，仲有肉汁。汁煮厚切叉燒，叉燒的肥肉和瘦肉均勻，口感非常鬆化、甘香，而且個醬汁好好味，係必食嘅。配埋 COEDO・白 Shiro 啤酒🍻，爽口清甜易入口，同唐揚脆炸雞 Perfect Match。留意下拉麵店嘅裝修，同中環店有少許不同，全木設計，門前嘅屋簷係連接旁邊餐廳「木戶「的，幾有同一屋簷下嘅特色。