肚餓了串燒烤焗專門店 (Closed)

夏日炎炎，小編特別喜歡食輕食，無甘heavy，好似串燒之類都是不錯的選擇。朋友介紹亞士尼道呢間樓上串燒店，於是跟男友放左工就去幫襯。上到串燒店，地方細細的，但裝潢又幾入型入格。食物款式分為雞肉、豬肉、牛肉、蔬菜、海鮮類別，選擇是幾多的。小編order了個汁燒銀雪魚 $98，魚肉好滑，只有幾條骨，本身都夠入味，醮少少沙律醬食，口感更清甜。蜜糖燒雞翼 $28，肉質嫩滑，皮燒得幾脆，伴隨蜜糖的香甜。燒鰻魚 $48，鰻魚厚身，口感非常肥美，小編喜歡那個甜甜的燒鰻魚汁。麻辣肉碎燒茄子 $39，小編見到呢個燒茄子幾多人order，茄子是原條燒的，十分之厚肉大條，表面鋪滿辣味肉碎，夾住軟滑茄子一齊食，非常惹味，不過是會有點膩的。俗語話，麻雀雖小，五臟俱全，小編覺得用黎形容呢間串燒店都幾貼切，各式各類的串燒都可以隨時吃到，滿足哂小編偏食的小胃。