表叔火鍋

Open Now

Now Closed

我哋全家真係好鍾意打邊爐，基本上無分時節，一年四季都有邊爐癮如果要去分時令應該是湯底吧，今日同爸媽去咗食呢間貪其就腳又唔遠先點了花雕醉雞鍋(半隻) $138 通常呢個湯底有藥材成份又補我冬天先夠膽食，怕燥火嘛呢個煲花雕酒味唔算好重，但藥材北茋、黨參、當歸、淮山、杞子、桂圓肉、紅棗...等份量都幾多，所以都幾重藥材味，而雞件都幾嫩滑，入面仲有雞雜添<手切新鮮肥牛> $168/小份量中規中矩，牛味都重嘅，肉質軟腍<鮮肥鵝腸> $65宜家好少地方有新鮮帶肥膏嘅鵝腸了，好爽口又肥美，而且洗得幾乾淨<熟豬手> $42本身已經煮熟，煲一陣夠熱就食得，佢係爽口帶脆身，啲筋位勁正