碧儷苑·精點粵菜 (羅氏商業廣場)

Open Now

Now Closed

有聞早年鴻星 股東拆夥，創辦人另起爐灶開咗碧儷苑，目前有兩間分店，一間喺荔枝角，一間喺中環擺花街。以前鴻星分店嘅出品水平維持得好好，依家嘅碧儷苑嘅味道有過之無不及。佢哋嘅點心做得好精緻，擺盤靚之餘味道好，有姿勢有實際。炸兩入面嘅油炸鬼脆卜卜，撒咗啲炸蝦米喺面，令到個口感更豐富，既有腸粉嘅軟糯又有炸兩嘅脆口。之後有太極蝦餃，賣相有別於傳統白色蝦餃，佢哋有兩粒係加咗竹炭粉（好似係）所以係黑色；加上乾辣椒籽，辣辣地又別有一番風味。另外見到好多檯都有叫出煙企鵝仔，原來係傳統點心豆沙包。骨緻嘅仲有黑糖蜂蜜糕，黑糖味濃郁又唔會太甜，咬落仲煙煙韌韌，好有口感，依家食親碧儷苑都要嗌呢個！荔枝角分店定價比中環分店實惠，lunch食點心食到飽都係百幾蚊一位，難怪開業冇耐就日日座無虛席。