談風：vs：再說 (Closed)

男友以前最愛到牛頭角店用餐，時常話要帶埋我去食，但對於住大西北嘅我嚟講都好遠，咁啱某個周末撞正書展，咁就走訪港島區一趟。談風 vs 再說走的路線極級文青，只係門口位已經可以打卡，入內處處都係影相位，用餐位置喺地下一層，要行樓梯先去到，所以行動不便嘅人就比較麻煩。當日下奏點幾去嘅時候都坐滿接近八成，如果人多建議先訂枱，我哋得兩個人一入就有得坐。坐位空間尚算闊落，如果太迫嘅環境就會聽晒隔離講緊咩，非常無癮，好彩食客都好自律，環境非常寧靜。午餐選擇就比較少，如果鍾意食肉嘅話就未必啱心水，因為菜式都以蔬菜類偏多。男友點的是「紅酒燴黃油雞脾·紅菜頭焗薯·燒乾蔥」($128)，雞脾肉燴得非常軟腍，幾乎一切就能起肉，紅菜頭味道未算非常濃烈，不過就將整道菜式染紅，店家對擺盤都非常講究，絕不馬虎。我點的則是 「貓耳粉  ·  黑啤燴牛面  ·  燒番茄」($118)，本想跟男友點同一款菜式，不過覺得既然一場嚟到，都係嚐鮮較好。貓耳粉口感 Q 彈，一般餐廳較少使用，加埋溶在碗內的番茄蓉非常開胃，份量對女生來說剛剛好。牛面經過一輪燴製十分軟腍，入口即化，不過黑啤味就消失了，看似細細碗，最後竟然食得太飽無法完