Video
Read full review
2023-11-11
52 views
繼續捉緊夏天嘅尾巴，近年甜姨姨推出刨冰大受歡迎，最近更推出新品楊枝甘露刨冰，非常吸引，好有港式風味，趁天氣仲炎熱一於去鑽石山荷里活廣場新分店試試。楊枝甘露冰 - Mango Habibi楊枝甘露冰賣相吸睛，刨冰用上咗日本硬冰同埋刨冰機刨成雪花，口感綿綿，入口細膩，頂層有支鮮芒果雪條，雪條真材實料，仲食到淡淡芒果肉，刨冰上面有泰國金柚 同香滑嘅鮮忌廉，刨冰淋上楊咗枝甘露汁，味道酸酸甜甜，清涼開胃，冰底加咗椰汁好香，刨冰中間嘅餡料有嚟自菲律賓呂宋芒嘅鮮芒果肉粒、熱情果凍同埋芒果脆脆，口感豐富。另外配有一份抹茶蕨餅，口感煙韌，抹茶蕨餅帶有淡淡苦澀味，味道香醇。黑心太軟（海邊走走） - Molten Black Sesame Cake黑心太軟好特別，少見嘅黑芝麻味道，切開心太軟有流心黑芝麻醬，睇住黑芝麻醬湧出嚟好治癒，黑芝麻味濃郁，心太軟頂層有嚟自台灣海邊走走芝麻蛋卷，香脆鬆化，同樣有爆漿濃郁黑芝麻餡，另外配上Haagen-Dazs 雲呢拿雪糕，口感香滑，加埋心太軟熱力，冰火相融，沾埋底下嘅黑芝麻粉，大滿足。即撞木桶豆腐花 - Tofu Pudding豆腐花係甜姨姨嘅招牌之一，即叫即撞，係港式
繼續捉緊夏天嘅尾巴，近年甜姨姨推出刨冰大受歡迎，最近更推出新品楊枝甘露刨冰，非常吸引，好有港式風味，趁天氣仲炎熱一於去鑽石山荷里活廣場新分店試試。
楊枝甘露冰 - Mango Habibi
楊枝甘露冰賣相吸睛，刨冰用上咗日本硬冰同埋刨冰機刨成雪花，口感綿綿，入口細膩，頂層有支鮮芒果雪條，雪條真材實料，仲食到淡淡芒果肉，刨冰上面有泰國金柚 同香滑嘅鮮忌廉，刨冰淋上楊咗枝甘露汁，味道酸酸甜甜，清涼開胃，冰底加咗椰汁好香，刨冰中間嘅餡料有嚟自菲律賓呂宋芒嘅鮮芒果肉粒、熱情果凍同埋芒果脆脆，口感豐富。另外配有一份抹茶蕨餅，口感煙韌，抹茶蕨餅帶有淡淡苦澀味，味道香醇。
黑心太軟（海邊走走） - Molten Black Sesame Cake
黑心太軟好特別，少見嘅黑芝麻味道，切開心太軟有流心黑芝麻醬，睇住黑芝麻醬湧出嚟好治癒，黑芝麻味濃郁，心太軟頂層有嚟自台灣海邊走走芝麻蛋卷，香脆鬆化，同樣有爆漿濃郁黑芝麻餡，另外配上Haagen-Dazs 雲呢拿雪糕，口感香滑，加埋心太軟熱力，冰火相融，沾埋底下嘅黑芝麻粉，大滿足。
即撞木桶豆腐花 - Tofu Pudding
豆腐花係甜姨姨嘅招牌之一，即叫即撞，係港式傳統味道，打開木蓋已經聞到好香豆腐味，豆腐花口感香滑，豆味濃郁，可自行加配黃糖調味，不過唔洗加太多黃糖經已好好味。
榴槤奶凍 - D14 Durian Mousse
奶凍口感係硬雪糕口感，帶有濃郁榴槤味，奶凍上面有香滑鮮忌廉，伴碟仲有大大件嚟自泰國D14金枕頭榴槤肉喺度，榴槤肉飽滿軟滑，味道清甜帶點酒味，令人齒頰留香。
草莓乳酪西米 - Strawberry Yogurt With Sago
草莓乳酪草莓味濃郁，味道酸酸甜甜，配上晶瑩剔透嘅西米，口感有彈性，凍草莓乳酪同西米食起嚟好清爽，兩者味道好夾。
芒果班戟 - Mango Pancakes
班戟皮好薄，口感帶有層次，包住味道鮮甜菲律賓呂宋芒既芒果肉同埋香滑奶油廉忌，厚厚嘅芒果肉大份足料，味道唔錯。
Post
