Video
Read full review
2023-02-18
283 views
中環餐廳多籮籮，有啲收埋係橫街窄巷，有啲就開係好繁忙既街道上。今日呢一間，我係因為佢門面簡約既日本風設計&有朋友食過推介下，決定入尼試一試。餐廳座位數目不太多，大約可以容納20人左右。室內簡約既設計，配合埋充滿間距既雲石枱，令人坐入去都覺得好舒服。而且餐廳中間有個大玻璃，可以望到裏面廚師煮野食既過程。而職員好快就會過尼服務自己，甚至可以有冷/熱茶即時選擇，唔會覺得被忽略。餐牌主打鰻魚飯，有鰻魚重或者鰻魚膳選擇，其後都有好多串燒既種類選擇。鰻魚重UNAGI SET($420)，有蒲燒或白燒鰻魚，茶碗蒸、小鉢、日式清湯及白飯。而我今次選擇左鰻魚膳&串燒，想試多少少！我recommend ⭐️。和牛串 ($140) ⭐️係第一個尼既食物，和牛燒得好靚。每小粒都有少少燒既感覺，而牛味好香。每粒和牛好夠油脂😍仲要入口即溶，食完已經好想即刻encore添。鰻魚膳UNAGI ZEN ($950)溫泉蛋鰻魚海膽小碗裝住溫泉蛋，而當中亦有特製既湯汁，十分鮮甜。海膽味道甘甜，而且質感細膩，幾乎入口即溶。鰻魚浸有湯汁+蛋汁，好滑身。時令沙律沙律表面有幾塊豚肉，味道比較淡，但旁邊既醋配合沙律，帶出整體鮮味。蒲燒活
餐廳座位數目不太多，大約可以容納20人左右。室內簡約既設計，配合埋充滿間距既雲石枱，令人坐入去都覺得好舒服。而且餐廳中間有個大玻璃，可以望到裏面廚師煮野食既過程。而職員好快就會過尼服務自己，甚至可以有冷/熱茶即時選擇，唔會覺得被忽略。
餐牌主打鰻魚飯，有鰻魚重或者鰻魚膳選擇，其後都有好多串燒既種類選擇。
鰻魚重UNAGI SET($420)，有蒲燒或白燒鰻魚，茶碗蒸、小鉢、日式清湯及白飯。
而我今次選擇左鰻魚膳&串燒，想試多少少！
我recommend ⭐️
。和牛串 ($140) ⭐️
係第一個尼既食物，和牛燒得好靚。
每小粒都有少少燒既感覺，而牛味好香。每粒和牛好夠油脂😍仲要入口即溶，食完已經好想即刻encore添
和牛串
$140
3 views
0 likes
0 comments
。鰻魚膳UNAGI ZEN ($950)
溫泉蛋鰻魚海膽
小碗裝住溫泉蛋，而當中亦有特製既湯汁，十分鮮甜。海膽味道甘甜，而且質感細膩，幾乎入口即溶。鰻魚浸有湯汁+蛋汁，好滑身。
5 views
0 likes
0 comments
時令沙律
沙律表面有幾塊豚肉，味道比較淡，但旁邊既醋配合沙律，帶出整體鮮味。
0 views
0 likes
0 comments
蒲燒活鰻魚(+$200) + 白飯 + 茶瀆湯
活鰻需於7天前預訂，但店員說剛好店內有多一條活鰻，而活鰻會比平時的鰻魚更加彈牙，所以另加費用＄200去試試。
選擇左蒲燒活鰻魚，鰻魚質感果然比較彈牙，而且香味極濃。鰻魚的燒汁早係燒鰻魚時已經滲入鰻魚肉，所以鰻魚飯上沒有任何燒汁。而飯既底部有蛋絲包圍住，可以中和返濃味既鰻魚。
食到中途，就加入茶瀆湯到鰻魚飯裹面，當然味道會變得淡一點，但係食落既時候有另一種層次，同平時食既鰻魚飯感覺完全大大不同。
2 views
0 likes
0 comments
鰻魚飯值得試的，但要注意價錢一定比同類餐廳貴好多！
回頭指數: ⭐️⭐️⭐️
食物質素: 🌮🌮🌮🌮
服務質素: ☺️☺️☺️☺️
消費指數: 💰💰💰💰(人均消費$1419)
環境質素: ☘️☘️🍀🍀
* 炭家 (中環)
中環歌賦街24號地舖
同類餐廳 #cocofood_日本菜
同區餐廳 #cocofood中環
Post
