晴の居酒屋 (Under Renovation)

【日式小包廂享受｜晴の居酒屋🏮】喜歡私隱度高嘅餐廳，可以靜雞雞咁傾吓心事，但人少少又未能夠全包場…今次搵到一間小包廂餐廳，仲要係我最鍾意嘅居酒屋🏮餐廳有唔同嘅套餐，我想食小食，朋友就想食烏冬，於是乎我哋就點了一個烏冬餐，跟住狂點小食了😂食咗咩🍑日本海膽天婦羅一見鍾情💘用紫菜及紫蘇葉包住沙膽炸成天婦羅，好脆口好有層次，海膽仍是鮮味！我好鍾意呢款小食！旁邊仲有日本小青椒。🍑雞皮餃子炸得好香口，跟烏冬餐就有兩隻。我哋覺得好食，再點一份！🍑味淋雞泡魚乾本身我哋雞泡魚乾忠粉，必食！🍑唐揚日本池魚仔比預期中好味，頭、骨，全條我哋都食晒，點蛋黃醬食好滋味呀！🍑鵝肝黑松露多士落單時店員很細心地提醒我哋，可以點一份share食，因為都幾大件！我哋認同先點一件先，果然真係幾大件，微微黑松露與蜜糖面好夾，我哋share食都覺得很滿足。🍑串燒雞心醬汁調較得唔錯，不過不失🍑串燒黑豚露筍比預期中細份量，但都好，可小食多選擇呢。🍑芝士年糕邪惡芝士呀，熱食好好味，少食多滋味！🍑胡麻醬沙律🍑豬骨湯烏冬🍑菠蘿雪芭及水蜜桃雪芭勁勁勁鍾意呢兩款鮮水果雪芭，基本上一拎上枱我哋就狂期待，不過要放一陣先食得，因太硬食唔到。今次咁啱