雲魅 (Closed)

過橋米線套餐 $88呢個餐由湯底、肉類、麵底都有得比你揀。湯底可選特色湯(酸辣湯)或者番茄湯；肉類可選肥牛🐮或豬腩片🐷；麵底可選七彩麵或米線。過橋米線用砂鍋去維持熱度，湯底一上枱仲係滾熱狀態，熱氣冒出♨️，三至五分鐘後雖然已經無沸騰嘅氣泡，但都足以整熟肥牛。食材分開上枱，自己動手按先生後熟的順序放左湯內完成過橋米線。我揀左特色湯、肥牛、七彩麵呢個組合，上菜時仲配有五顏六色共🔟種配菜，分別有鵪鶉蛋、餐肉、魚腐、車厘茄、粟米、酸菜、響鈴、炸醬、酥肉、芫茜蔥，份量多少隨自己決定，仲有得自己動手擺盤，有得影相📸️打卡又有得玩有得食😁。🌶麻辣鬼味雞米線(可配飯) $78嚐辣人仕必試！辣味被湯沖淡下都食到出晒汗，配飯嘅話吸曬辣汁真係不得了。以上餐點均附有前菜一款及飲品一杯，前菜份量真係唔少，加上坐位闊落環境乾淨衛生，所以價錢尚算合理。