申子居酒屋

Open Now

Now Closed

今日去咗旺角一間叫「申子居酒屋 」嘅餐廳食晚餐，餐廳嘅裝修充滿日式風格，下層係對住師傅嘅吧枱，上層嘅座位寬敞，適合同朋友聚餐。🍊鮮蟹肉粥非常推介大家食呢個蟹肉粥，熱鍋嘅形式上菜可以保持蟹粥嘅熱度，望落去已經比滿滿嘅松葉蟹肉同蟹籽吸引，粥底煲得非常綿，將蟹肉同蟹籽攪勻之後就可以得到每一啖都好鮮甜嘅粥，而且粥嘅份量非常多，冬天食熱辣辣嘅蟹肉粥就啱晒啦🍊汁煮左口魚裙邊非常特別嘅一道前菜，通常食左口魚裙邊都係炙燒後再配壽司，但呢度前菜係將左口魚裙邊先以炙燒嘅方法將魚嘅油脂逼出來，然後再浸喺味道帶酸而又清新嘅柚子醬汁，頂層鋪滿三文魚籽同烏魚子，外觀非常吸引，味道酸甜開胃🍊申子新卷呢度係餐廳招牌嘅卷物賣相幾吸引，一碟有六件，上層有三文魚籽、海膽、吞拿魚蓉同大蔥，入面包住香脆嘅魚皮，成件卷物嘅口感層次豐富，三文魚籽脆口，海膽同吞拿魚蓉亦都帶有鮮味，魚皮脆脆嘅口感亦都幾特別🍊極上鹽燒牛舌心牛舌心屬於厚切，呈粒粒狀，燒熟嘅程度掌握得啱啱好，牛舌表面嘅顏色仍然粉嫩，咬落去口感彈牙唔韌，鹽燒亦都提升咗牛舌嘅味道🍊豚肉蘆筍卷豚肉屬於薄切，燒香後嘅油脂味道幾香，中間嘅蘆筍燒完之後仍然保持到甘甜多汁🍊軟芝士黑豚卷