JK Brother’s (Closed)

好耐無食過放題了！呢間放題見網上評價唔錯，位置係佐敦又都算就腳，就約埋朋友黎開餐～一坐低，就開始嗌野食，呢度比較先進，係唔洗畫紙，直接用手機QR Code就可以落單見好多人都有嗌醬油蝦同韓式活章魚刺身，梗係都要試下。第一次食醬油蝦，無我想像中咁鹹，仲食到蝦既鮮味，不錯～活章魚之前係韓國食過，估唔到呢度既章魚仲生猛過我上次食既，超新鮮，建議唔怕既人可以嗌黎試下有韓式野食，亦都有日式野食，嗌左一堆壽司同刺身，個人覺得火灸系列最好食～串燒要左牛舌、雞肉棒、蕃薯仔，牛舌好食，肉質唔錯，香而不韌！！！炸雞做得都幾好，仲keep到肉汁，配埋個醬汁，有少少甜味，好韓風同埋佢呢度好好係全部野食都可以一件咁上，包括炸雞、餃子個啲，可以控制返個份量，無咁容易飽，可以試多幾款野食，我覺得好貼心～飲品、甜品真係好多選擇！！最驚喜係有麻糬同馬卡龍，仲有勁多味揀！！！我食個個抹茶味既麻糬裡面係流心既，幾濃抹茶味，正另外仲有個雪糕雪條櫃，都有好多選擇，不過我太飽所以就無食到喇～