Chullschick

Open Now

Now Closed

由秘魯人開設既秘魯烤雞店。店舖裝潢富有秘魯風情。❈ Ceviche Clasico 秘魯生漬魚 HK$155秘魯生漬魚係將法國海鱸魚切碎以虎奶汁、洋蔥、青檸汁調配而成。海鱸魚唔係切得好碎，一粒一粒咁食易入口，味道酸酸地幾開胃。 ❈ Pollo A La Brasa (Half) 招牌秘魯烤雞(半隻) HK$145招牌秘魯烤雞既lunch set有四分一隻或者半隻選擇，因為我地有三個人 就揀咗半隻。另外配菜就可以揀兩款，我地揀咗烤蕃薯同薯條。秘魯烤雞，雞係以傳統方式醃制用烤雞爐烤至皮脆肉嫩。配菜亦都好出色，烤蕃薯好香好飽肚。 ❈ Grilled Chorizo 烤西班牙香腸 HK$120西班牙豬肉腸帶有鹹香加上阿根廷青醬更加惹味。因為係lunch set，所以可以加一份配菜，我地揀咗薯條。❈ Peruvian Beef Empanada 秘魯特色牛肉餡餅 HK$128呢個特色餡餅除左牛肉之外，仲有海鮮同芝士。我地呢次就食牛肉餡餅，餡餅既餅皮厚度與硬度適中，而且入面有份量十足既免治牛肉、雞蛋、洋蔥，配埋阿根廷青醬一齊食，非常惹味有特色。