Video
Read full review
2023-05-05
184 views
【沙田區】【榮發燒味茶餐廳】一路喺度告急但又一直都有稿出，讀者肯定會覺得我喺度亂噏廿四，不過唔好咁對我，其實之前怕封城真係預備定啲稿喺度，所以先會仲有得出。見到有唔少 Foodie 都受疫情影響而令稿件產量大跌，都非常理解。就我自己而言，我一早諗過唔少解決方案，而家未去到 worst case 我都未使用到呢啲尚方寶劍住。因為呢啲「必殺絕招」只可用作「保命」，如果成日出，就唔再有價值，所以我一定會謹慎使用，大家可以放心，仲有得睇嘅。呢份稿其實我都留咗一段時間，不過一直覺得未夠全面所以就唔寫住，之後我就特登去多次令到件事圓滿啲，咁就寫得喇。我覺得好似以 Foodie 嚟講唔係太多人可以做到呢種堅持，好多時都係去一次，我覺得係猶有不足。第一次去顯徑呢間嘢我係同個同事中午去，佢食個 $58 嘅「芝味粟米白汁雞皇飯」配「凍奶茶」，佢話冇乜感覺。我就食個乜都有嘅「豐盛全餐」，佢嘅主食都係一塊扒，我揀咗食「香煎農場雞扒」，味道正正常常，唔算差。佢小食有「法蘭克福腸」、「嫩滑炒蛋」同「脆脆豬」，味道正常而合理，配杯「凍檸茶」走甜夾埋 $53 可以接受。之後第二次去我都估唔到自己會再叫一次「豐盛全餐」
就我自己而言，我一早諗過唔少解決方案，而家未去到 worst case 我都未使用到呢啲尚方寶劍住。因為呢啲「必殺絕招」只可用作「保命」，如果成日出，就唔再有價值，所以我一定會謹慎使用，大家可以放心，仲有得睇嘅。
呢份稿其實我都留咗一段時間，不過一直覺得未夠全面所以就唔寫住，之後我就特登去多次令到件事圓滿啲，咁就寫得喇。我覺得好似以 Foodie 嚟講唔係太多人可以做到呢種堅持，好多時都係去一次，我覺得係猶有不足。
第一次去顯徑呢間嘢我係同個同事中午去，佢食個 $58 嘅「芝味粟米白汁雞皇飯」配「凍奶茶」，佢話冇乜感覺。我就食個乜都有嘅「豐盛全餐」，佢嘅主食都係一塊扒，我揀咗食「香煎農場雞扒」，味道正正常常，唔算差。
佢小食有「法蘭克福腸」、「嫩滑炒蛋」同「脆脆豬」，味道正常而合理，配杯「凍檸茶」走甜夾埋 $53 可以接受。之後第二次去我都估唔到自己會再叫一次「豐盛全餐」，因為忘記咗之前嗰次食乜，所以就求其叫。
穩陣起見，主食就點「菠蘿圈火腿扒」因為一定未食過，都係菠蘿火腿咁。小食「法蘭克福腸」同「嫩滑炒蛋」不變，但我今次加 $3 轉「丹麥多士」，其實都係麻麻，配杯「熱奶茶」都係 $53，今次好似感覺冇咁抵咁。
咁食法我肯定未飽架啦，叫多件「法蘭西多士」，事前問阿姐會唔會夾花生醬，佢仲好似唔多耐煩咁，哎，真係好多都冇夾架，體諒吓啦好嘛。不過 $20 嘅價錢佢又算整得幾好喎，算啦咁，前後 $73 都冇辦法，差唔多架喇。。。
（地址：沙田大圍顯徑商場熟食亭1號）
#1amfoodie #foodie #hkfoodie #thatfoodiething #hkfood #instafood #1ambackup #1am0609 #foodies #globaleats #followforfollowback #love #eat #1am沙田區 #大圍 #顯徑 #榮發燒味茶餐廳 #榮發 #茶餐廳 #燒味 #芝味粟米白汁雞皇飯 #午餐 #豐盛全餐 #香煎農場雞扒 #法蘭克福腸 #嫩滑炒蛋 #脆脆豬 #菠蘿圈火腿扒 #丹麥多士 #西多士
4 views
0 likes
0 comments
Post
