Video
Read full review
2023-08-03
85 views
【油尖旺區】【遖】我喺香港都食過幾次 omakase，其實即係廚師發辦嘅日本菜，由廚師決定當日顧客食乜。朋友介紹尖沙咀有間幾好，咁我就梗係叫埋道歉哥一齊去試。交通幾方便，喺尖沙咀，就算係紅磡站行過去都唔遠而又自成一角好清靜。我哋試每位 $1380 嘅「つまみ 6品、握り寿し 7貫、巻物、茶碗蒸し、お椀、デザート」，首先想講哋奉客嘅「玄米茶」幾好飲，個餐前小食好似燒魷魚乾嚟都幾好。咁今次嘅師傅「良師傅」已經準備就緒，我哋都預備好喇。前菜有三道，「赤貝配順菜」、「海膽豆腐」同「汁煮燈台粒貝仔」，個豆腐我特別想講，整到好似成舊都係海膽咁，正。之後到「仙台獨眼龍生蠔」，我食嗰隻加咗青檸啫喱，好清新順滑，道歉哥嗰隻係用蠔汁燒過，佢都話好。之後「北海道粒貝」係有柚子鹽同芥末輔助，唔錯。我食嘅「燒帶子夾海膽」係食嗰種澎湃嘅鮮味，冇得彈。跟住食「岩手縣紫海膽」，我嗰碟配白蝦仔同龍珠果，另一碟配拖羅同三文魚籽，兩隻鮮味唔同，但都發揮得幾好。之後嘅「櫻煮八爪魚」有柚子胡椒，柚子味香，而且好腍。而「胡椒鯛」本身淡味少少，加咗青檸汁同埋輔以岩鹽同芥末就啱啱好。「池魚仔」係細條嘅島根池魚仔，撈咗麻油豉油香，加埋
我哋試每位 $1380 嘅「つまみ 6品、握り寿し 7貫、巻物、茶碗蒸し、お椀、デザート」，首先想講哋奉客嘅「玄米茶」幾好飲，個餐前小食好似燒魷魚乾嚟都幾好。咁今次嘅師傅「良師傅」已經準備就緒，我哋都預備好喇。
前菜有三道，「赤貝配順菜」、「海膽豆腐」同「汁煮燈台粒貝仔」，個豆腐我特別想講，整到好似成舊都係海膽咁，正。之後到「仙台獨眼龍生蠔」，我食嗰隻加咗青檸啫喱，好清新順滑，道歉哥嗰隻係用蠔汁燒過，佢都話好。
之後「北海道粒貝」係有柚子鹽同芥末輔助，唔錯。我食嘅「燒帶子夾海膽」係食嗰種澎湃嘅鮮味，冇得彈。跟住食「岩手縣紫海膽」，我嗰碟配白蝦仔同龍珠果，另一碟配拖羅同三文魚籽，兩隻鮮味唔同，但都發揮得幾好。
之後嘅「櫻煮八爪魚」有柚子胡椒，柚子味香，而且好腍。而「胡椒鯛」本身淡味少少，加咗青檸汁同埋輔以岩鹽同芥末就啱啱好。「池魚仔」係細條嘅島根池魚仔，撈咗麻油豉油香，加埋蘘荷包紫菜食，薑味唔係好辣咁。
跟住有「燒太刀魚」同「花咲蟹」，前者幾嫩滑，後者個樣同鱈場蟹差唔多，啲刺比較尖身但係個蟹味出啲。跟住上咗「北海道白粟米」、「沖繩苦瓜」、「BB薑」同「柚子蘿蔔」，就知道要清清個口腔，準備食壽司喇。
「石垣貝」上之前師傅拍吓佢，肌肉果然爽身啲。「千葉地金目鯛」個汁用魚頭煮出嚟，保持鮮味。「熟成拖羅」燒過一吓就更加香滑，正。之後嘅「小肌魚」同「宮崎紫海膽」都好食，盡顯師傅功架，冇乜嘢可以挑剔喇。
件「神奈川黑睦」本身重油份啲，不過加少少梅醬就清新啲，中和返。跟住嘅「醋鯖魚」面頭有一塊仔嘅白昆布，點綴咗件事。最後嘅「干瓢卷」即係胡蘆瓜卷，買返嚟白色一條條好似鞋帶咁，要煮嘅，咁就完埋壽司部份。
跟住到個「蒸蛋」同個「獨活清湯」，前者好香蟹味，後者清得嚟又有好似當歸咁嘅 feel，正。最後食埋甜品「北海道雷電赤肉蜜瓜」，甜得嚟唔膩，清清哋，為成餐飯作出一個完美嘅終結。埋單兩位 $3036，差唔多啦。。。
（地址：尖沙咀漆咸道南115號達成商業大廈7樓）
@sushi_apare
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #lunch #dinner #foodpics #followforfollowback #love #eat #1am油尖旺區 #紅磡 #佐敦 #尖沙咀 #尖東 #遖 #日本菜 #omakase #壽司 #お任せ #信任 #師傅 #廚師發辦 #尖沙咀必食 #尖沙咀美食 #尖沙咀omakase #1am1097 #1ambackup
Post
