Awesome Bar & Cafe

Open Now

Now Closed

【油尖旺區】【Awesome Bar & Cafe】去紅館睇演唱會前後嘅用膳選擇眾多，如果嫌漆咸道南嗰邊太遠，其實近近哋嘅尖東噴水池附近都有唔少食肆。之前喺 1am紅館 系列都同大家探討過唔少，今次就同美女朋友去咗食一間喺新文華中心開咗唔算好耐嘅西餐 cafe 之類嘅餐廳，我哋係自費嘅。去到行條好靚嘅 Bearbrick 樓梯上一樓食嘢，整呢堆嘢應該都唔平喎，不過上到去比想像中少客人，可惜啲。我哋先食 $148 嘅全份「夏威夷薄餅」，價錢出奇地唔算貴，大佬，尖東喎。咁個薄餅都唔算大個，但係至少我哋喺一般肚餓嘅情況下都覺得滿足。跟住食 $98 嘅甜品「芒果拿破崙」，都算係咁，性價比合理嘅味道。飲品我就飲 $54 嘅凍「椰奶朱古力拿鐵」，又幾好飲，雖然唔大杯，但夠濃夠邪惡。美女朋友飲 $54 嘅「榛子拿鐵」要薄荷味，佢話都 okay。加埋一就 $389 落樓，都唔算好貴嘅。。。（地址：尖沙咀科學館道14號新文華中心地下1D及1樓100號舖）#1amfoodie #foodie #hkfoodie #thatfoodiething #hkfood #food #instafood #yumm