Library Restaurant and Bar

Open Now

Now Closed

今次嚟到位於尖沙咀人氣餐廳Library Restaurant and Bar，餐廳裝潢好有格調，提供室內外座位，擁有180度街景。戶外座位可以望到清真寺，充滿異國風情，係好多人打卡嘅位置，另外室內有愛麗絲風格嘅花花走廊、墨綠色嘅酒吧、充滿綠色植物嘅座位空間、金光閃閃嘅門口，加上柔和嘅燈光，充滿浪漫嘅氛圍。🇭🇲Grilled Aus Sirloin🥩澳洲烤牛脊肉，裹面色澤粉嫩，口感鮮嫩多汁，牛肉味濃郁，牛扒兩面經過鹽調味，好惹味，配上幼滑薯蓉、蘿蔔同埋雜菜等，好清新，可以去除油膩感。Pomodoro Spaghetti🍝 蕃茄意大利麵，加入新鮮蕃茄、洋蔥、大蒜同埋羅勒煮成嘅醬汁，食出各種新鮮食材嘅香味，意大利麵亦相當掛汁，每條麵條都吸滿咗香濃醬汁，味道酸酸地，好開胃。Rose Latte☕️ Latte拉花精緻，加上玫瑰花瓣點綴，帶有清幽玫瑰香味，入口幼滑，最近天氣轉冷，喺戶外飲杯熱嘅Rose Latte好舒服。Daily Soup 、Bread & Green Salad 🥗 蘑菇湯味道濃稠，夾雜蘑菇香氣，口感綿滑香濃，配上麵包嚟食唔錯，另外沙律菜好新鮮，口感爽脆。