人和荳品廠

Open Now

Now Closed

【灣仔區】【人和荳品廠】呢間嘢我之前成日食佢哋嘅旺角店，甚至 1am foodie 呢個名都係有少少啟蒙自佢哋，因為我收工食嘢，成日都喺一兩點呢啲時間諗起佢哋。而旺角店嗰時每日都開到好夜，我又係嗰啲中意食垃雜嘢嘅人，可以話係完美契合。話雖如此，我又唔算好積極話想食晒佢哋啲分店，始終個重點係喺開得夜、多選擇度，同味道關係不大，冇乜必要要周圍食佢。今次都係見個朋友喺度買外賣，作為一個八卦精，我又好奇吓究竟佢哋啲嘢得唔得，就去食返次。叫咗碟 $24 嘅「鹵水豆腐豆卜」，即係鹵水豆腐併鹵水豆卜，兩款都有得食，幾好，味道都唔差嘅，略嫌呢次鹵得有啲甜。跟住叫我幾中意食嘅嗰款 $24 嘅「魚肉煎豆腐」，水準保持到，唔好睇豆製品嘅成本價就唔貴啦。嘢飲方面我叫咗杯 $20 嘅「朱古力豆漿」，又幾得意，喺杯凍豆漿裡面加咗啲朱古力味咁。而最後我有叫埋甜品先走，喺呢度就梗係食豆腐花，要 $24 嘅「花奶豆腐花」，一向覺得呢個組合勁夾勁好食。埋單 $92，咁食算係咁啦。。。（地址：銅鑼灣渣甸街49號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油