Video
Read full review
2022-11-14
317 views
呢間餐廳主打法日Fusion菜，以法式炮製唔同國家及部位嘅高質牛肉，仲有自家製「雪室熟成牛肉」，鍾意食牛嘅您真係要睇睇呢篇文章！———————————————🌟自家製麵包配麵豉牛油麵包本身唔係好硬果種法包幾好食，麵豉牛油呢個概念好特別，食落好香同比較鹹，我個人會比較鍾意普通牛油多啲但試下麵係一個唔錯嘅體驗。.🌟Dry Aged 35 Days Belgium Beef Tartare 呢個他他賣相好精緻，用生牛肉撈蛋汁，以炸蓮藕代替一般嘅餅乾，比一般嘅他他更有特色。他他本身加咗唔少配料好似豆、洋蔥等，配埋塊炸蓮藕，成個口感更多元化。另外隔離都有好舊煎左吓嘅洋蔥，食落非常清甜。.🌟Boston Lobster French Barley Risotto 呢個Risotto用薏米煮，口感非常特別，比起一般嘅Risotto更有咬口同更煙韌，我個人係好鍾意食呢個口感，但就未必適合平時鍾意食傳統白飯嘅人。和牛食落幾嫩，但有幾舊咬落都係比較多筋。相比另外佢嘅和牛，龍蝦反而就好好多，煮得啱啱好，肉質鮮美有彈性。龍蝦汁亦非常濃郁，每啖食落去都充滿住龍蝦香。.🌟Spanish 60 months sir
———————————————
🌟自家製麵包配麵豉牛油
麵包本身唔係好硬果種法包幾好食，麵豉牛油呢個概念好特別，食落好香同比較鹹，我個人會比較鍾意普通牛油多啲但試下麵係一個唔錯嘅體驗。
.
🌟Dry Aged 35 Days Belgium Beef Tartare
呢個他他賣相好精緻，用生牛肉撈蛋汁，以炸蓮藕代替一般嘅餅乾，比一般嘅他他更有特色。他他本身加咗唔少配料好似豆、洋蔥等，配埋塊炸蓮藕，成個口感更多元化。另外隔離都有好舊煎左吓嘅洋蔥，食落非常清甜。
.
🌟Boston Lobster French Barley Risotto
呢個Risotto用薏米煮，口感非常特別，比起一般嘅Risotto更有咬口同更煙韌，我個人係好鍾意食呢個口感，但就未必適合平時鍾意食傳統白飯嘅人。和牛食落幾嫩，但有幾舊咬落都係比較多筋。相比另外佢嘅和牛，龍蝦反而就好好多，煮得啱啱好，肉質鮮美有彈性。龍蝦汁亦非常濃郁，每啖食落去都充滿住龍蝦香。
.
🌟Spanish 60 months sirloin
呢塊牛嘅熟成度啱啱好，配有3種醬料，特別想highlight嘅係焦糖化洋蔥Pirate，味道香甜，襯落牛扒真係非常正。但係牛扒本身就略嫌太多筋，對於以牛肉質素作為賣點嘅餐廳嚟講，確實扣咗唔少分。
.
🔶整體評價🔶
餐廳服務好好，會耐心介紹每個菜式，環境就中等，唔係特別適合打卡。菜式好多都精緻，但係牛肉真心多筋，其實真係每份牛都食到筋，特別牛扒果度有部分真係咬都咬唔到，主食差唔多5百蚊一份，所以都有相對嘅期望值，但感覺上性價比真係比較低唔係好符合價錢，我都會推介大家可以試一試，但就唔建議抱太大期望。
.
🔸味道：6/10
🔸環境：7/10
🔸服務：8/10
🔸打卡指數：7/10
———————————————
🍽️Bifteck
📍灣仔皇后大道東202號QRE Plaza 23樓
23/F, QRE Plaza, 202 Queen's Road East, Wan Chai
———————————————
👉🏻#hkchiller美食地圖_灣仔
👉🏻#hkchiller晚餐推介
👉🏻#hkchiller法國菜
Post
