Video
Read full review
2017-03-04
1956 views
返工辛苦左一個星期, 今晚係時候對自己好D, 近近地同屋企人去左屋企附近搵食, 經過見到呢間潮福蒸氣石鍋酒樓, 除左有蒸氣石鍋食之外, 仲有任飲任食打邊爐。前幾晚食完蒸氣鍋, 所以今晚就決定揀打邊爐!上到去, 已經有好幾檯食緊蒸氣火鍋/打邊爐, 但因為冷氣充足, 所以沒有焗促感坐低先送上一碟前菜花生 (HK$15), 邊食邊落Order火鍋醬料自助混醬 (醬油費已包至前菜費用)呢度既湯底都係一般傳統普通既口味, 我地就揀左沙爹湯底, 再自選4款限量一次性order既海鮮 (每圍最多只可選4款)我地揀左蟶子皇、鮑魚、象拔蚌同埋大元貝每款海鮮都幾有份量, 大大隻! 而且都幾新鮮, 鮑魚很有咬口, 最中意象拔蚌, 超級爽口!另外, 刺身、貝殼併盤同埋極尚安格斯牛肉 呢三樣就係以人頭計算份量, 亦係限量只可以order一次!雖然刺身款式唔多, 但係呢D中式餐廳食到唔難食既刺身, 都算係咁!反而最驚喜既係呢籃貝殼併盤, D蜆好好好大隻, 就算熟左, Size都比五蚊硬幣更大! 而且食落冇沙, 帶點鮮味爽口之後我地就係order上click 一d可以無限追加既配料, 款式都幾多! 豬、牛、羊、雞既
前幾晚食完蒸氣鍋, 所以今晚就決定揀打邊爐!
上到去, 已經有好幾檯食緊蒸氣火鍋/打邊爐, 但因為冷氣充足, 所以沒有焗促感
坐低先送上一碟前菜花生 (HK$15), 邊食邊落Order
火鍋醬料自助混醬 (醬油費已包至前菜費用)
呢度既湯底都係一般傳統普通既口味, 我地就揀左沙爹湯底, 再自選4款限量一次性order既海鮮 (每圍最多只可選4款)我地揀左蟶子皇、鮑魚、象拔蚌同埋大元貝
每款海鮮都幾有份量, 大大隻! 而且都幾新鮮, 鮑魚很有咬口, 最中意象拔蚌, 超級爽口!
另外, 刺身、貝殼併盤同埋極尚安格斯牛肉 呢三樣就係以人頭計算份量, 亦係限量只可以order一次!雖然刺身款式唔多, 但係呢D中式餐廳食到唔難食既刺身, 都算係咁!
反而最驚喜既係呢籃貝殼併盤, D蜆好好好大隻, 就算熟左, Size都比五蚊硬幣更大! 而且食落冇沙, 帶點鮮味爽口
之後我地就係order上click 一d可以無限追加既配料, 款式都幾多! 豬、牛、羊、雞既肉類都齊, 仲有好多款既蔬菜, 同埋丸類。
好中意呢度既鮮蝦丸同埋蟹籽解蝦滑意想不到既鮮甜彈牙口感, 呢個口感的確係手打先可以做到, 製作功夫真係值得一讚!
另外, 呢度既響鈴係新鮮即炸, 脆卜卜, 浸落湯底2秒即起, 仲食到內裡既脆
頭先既極尚安格斯牛肉唔夠喉, 所以我再ORDER左肥牛。肥牛切得有一定既厚度, 色澤鮮紅, 雖然肉質冇安格斯牛肉咁正, 但味道都總算唔錯~
野飲方面以罐裝飲品為主
其實呢度既火鍋任飲任食款式比蒸氣鍋為多, 而目測店內有9成食客都選擇食蒸氣鍋, 可能因為蒸氣鍋既任飲任食模式目前係香港唔算太普遍, 但總算呢度都多個選擇比大家揀丫~
Post
