炙・宴 (時代廣場)

Open Now

Now Closed

嚟到11月底，終於感受到初冬嘅氣味。趁住凍凍地嘅溫度，當然最啱就係打邊爐🍲。呢間日式炙燒丼飯專門店近期推廣一人一鍋，除咗食盡日本宮崎和牛同日本豚肉外，仲有新推出嘅海鮮鍋俾大家揀，啱晒獨家村嘅阿叔嚟自私食。🍲宮崎和牛併特上日本豚鍋 ($179)份量十足嘅日式火鍋，可以一次過滿足晒你食日本宮崎和牛同日本豚肉！火鍋湯底可揀壽喜燒風又或者豬骨清湯，阿叔一向都係濃味仔，當然會揀前者啦！主菜宮崎和牛同特上豚肉分別有2同3大塊，前者每塊都見到細緻嘅霜降雪花，而且牛味十足；後者就肥而不膩，口感柔軟有彈性。兩者配埋壽喜燒汁連飯一齊食，確實非常滿足。🐟宮崎和牛海鮮鍋 ($218)店內嘅新火鍋，以龍蝦湯作底，配上日本宮崎和牛、帶子、三文魚同魷魚。和牛高質之餘，另外值得一讚係個湯底，真心好好飲，龍蝦湯加上海鮮，真正鮮味十足，冬天飲啱晒！即使同一款和牛，食落嘅味道會更鮮甜。