Video
Read full review
2023-09-16
26 views
【牛響度🐮｜🛳️黃埔牛牛晚餐🥢】黃埔船內有新餐廳，個名好可愛叫做「牛響度」，原來係牛牛簽到黃埔同大家講聲「我係度」之餘佢仲好有霸氣咁同大家講佢哋食牛嘅「響導」呢！最鍾意呢啲Double Meaning word!就試一試佢先！食咗咩？💚沙茶牛三寶湯麵牛三寶包括：牛肚、牛筋、牛肉，湯底可以揀牛骨或豬骨，我當然繼續揀牛骨湯襯返個氣氛啦！牛肚淋身得嚟仲好入味、牛肉有份量好唔少喎，肉質厚厚但都好淋，邊沿有少少筋骨膠感覺良好，牛筋細細條，亦係好入味，揀牛湯底絕對係明智之選。💚特濃牛丸拌刀削麵本身配菜有糖心蛋、青瓜絲、油蔥酥、芫茜。我揀咗拾香椒麻口味，麵如其名，十分之香！定食一set上，食之前加入青瓜絲同油蔥酥撈撈撈，蒜味香濃，食落口少少椒麻香，刀削麵夠薄身，麵身好吸味，牛丸彈牙牛味重、仲有少少筋幾咬口，要讚的！整體來說超班！💚雞翼炸粟米肉粒餃子餃子係一口size,細細粒容易食，點埋甜酸雞醬，開胃！雞翼就不過不失，比牛搶晒風頭。💚青蘋果冷泡茶、百香果冷泡茶茶係我最愛，冷泡茶更加泡出一份清甜感覺，今次兩個茶我鍾意百香果，如果唔喜甜就揀青蘋果茶比較適合啦，順帶一提，冷泡茶跟餐好抵飲。🐮牛響度麵館 (紅磡
黃埔船內有新餐廳，個名好可愛叫做「牛響度」，原來係牛牛簽到黃埔同大家講聲「我係度」之餘佢仲好有霸氣咁同大家講佢哋食牛嘅「響導」呢！最鍾意呢啲Double Meaning word!就試一試佢先！
食咗咩？
💚沙茶牛三寶湯麵
牛三寶包括：牛肚、牛筋、牛肉，湯底可以揀牛骨或豬骨，我當然繼續揀牛骨湯襯返個氣氛啦！牛肚淋身得嚟仲好入味、牛肉有份量好唔少喎，肉質厚厚但都好淋，邊沿有少少筋骨膠感覺良好，牛筋細細條，亦係好入味，揀牛湯底絕對係明智之選。
💚特濃牛丸拌刀削麵
本身配菜有糖心蛋、青瓜絲、油蔥酥、芫茜。我揀咗拾香椒麻口味，麵如其名，十分之香！
定食一set上，食之前加入青瓜絲同油蔥酥撈撈撈，蒜味香濃，食落口少少椒麻香，刀削麵夠薄身，麵身好吸味，牛丸彈牙牛味重、仲有少少筋幾咬口，要讚的！整體來說超班！
💚雞翼炸粟米肉粒餃子
餃子係一口size,細細粒容易食，點埋甜酸雞醬，開胃！
雞翼就不過不失，比牛搶晒風頭。
💚青蘋果冷泡茶、百香果冷泡茶
茶係我最愛，冷泡茶更加泡出一份清甜感覺，今次兩個茶我鍾意百香果，如果唔喜甜就揀青蘋果茶比較適合啦，順帶一提，冷泡茶跟餐好抵飲。
🐮牛響度麵館 (紅磡)
📍🛳️紅磡黃埔天地第5及6期Aeon Style地庫1樓WP08號舖
#牛響度 #牛響度麵館 #黃埔美食 #紅磡美食
Post
