新景園咖喱小廚

Open Now

Now Closed

要數灣仔區平民美食，新景園咖喱小廚可以排頭五。以前喺灣仔返工嘅時候，每次lunch想食，但見到門口條長龍都會卻步😬終於有一日夜晚有機會食到。慕名而來梗係要食佢哋嘅 #咖喱豬扒飯 🐖一上碟見到塊炸豬扒大到幾乎cover咗下面嘅白飯就知呢碟飯一定唔簡單😈仲配埋一大兜咖喱，驚死你塊扒都唔夠送飯咁。炸豬扒食落外脆內軟，十分香口，最重要係 一 啲 都 唔 嚡！呢樣唔係間間炸豬扒都做到㗎😌一啖接一啖，十分滿足。除咗驚熱氣同埋驚太飽之外，別無其他投訴 🤣聽講佢哋嘅乾炒牛河 都好出名，下次有機會都想試下。