Coffee Jobs (Closed)

為慶祝契爺5月生日，我地就訂左枱去食飯，訂左7點，會 hold 枱 15分鐘，職員知道我地有兩個小朋友，就比左張大枱我地，希望我地坐得鬆啲舒服啲，當然必要時都要搭枱。好想介紹埋佢地嘅餐碟，我地5個人唔隻碟，5隻都唔同公仔，仲配埋唔同嘅英文字，有唔同意思，真係好有心思好正。哩個係是日餐湯，我地叫左3個晚餐，兩個選左餐湯，餐湯係蘑菇忌廉湯，啱哂我口味，而且仲要好重菇味！點都要叫一個是日沙律試下嘅，哩款沙律有別於出面嘅沙律，竟然配隻炸蝦？仲有片橙，食落又真係幾 fresh，好似食唔同野有唔同口感。主菜1：溫泉蛋煙肉忌廉意大利麵，都幾多料下，忌廉味適中，唔會話好 creamy，我好怕漏得濟。主菜2：黑松露菌蘑菇意大利飯，最鐘意係佢有好多款菇係入面，同埋個飯好濕，啲汁好正好夾。主菜3：麻醬挪威三文魚蕃茄闊仔麵，其實我好怕食熟三文魚，因為怕腥，但今日哩個竟然唔太腥，配搭仲好夾，配埋蕃茄啲汁酸酸地幾好味。契媽必叫小食：炸薯條配黑松露沙律醬，其實我女都好鐘意食，有邊個小朋友抗拒得到薯條嘅魔力。配埋黑松露沙律醬，好好味！另一小食：炸雞翼配鹹蛋黃醬，好香口，不過好漏，但老公好 like，食左3隻。飲品：牛